Bildiyimiz kimi dünya kapitalizmə çoxdan qədəm qoyub.Bunun çox çətin proses olduğunu hər kəs yaxşı dərk edir. Biz Azərbaycan vətəndaşları da bunun fərqindəyik. Azərbaycan bu çətin prosesin astanasından geri dönə bilməz. Bu gün dövlətdən nəyisə tam olaraq tələb etmək düzgün olmaz! Axı, gənc dövlət qurulub, müəyyən çətinliklərimiz mövcuddur. Çətinlik baxımından Naxçıvan Muxtar Respublikasının Şahbuz rayonu bəlkə də birinci sıralardadır. Ən kasıb rayonlardandır Şahbuz. Burada da, insanların maddi vəziyyəti çox ağırdır.

Rayonda “qalstuklu fəhlələrdən” başqa kimsə dövlət işində işləmir.Hə, burada kasıb, imkansız “jek” işçilərini də unutmaq olmaz !Onları hər şənbə, “Lenin” iməciliyində də qar-yağış demədən axşama kimi işlədirlər. Şahbuzda iş yərləri açmaq, müəssisələr yaratmaq lazımdır ki, insanlar quru maaşa, çarəsiz fəhləliyə möhtac olmasınlar. Normal gücü olan dövlətlərdə bunu dövlət özü edir. Vətəndaşdan da haqlı olaraq olaraq tələb edir ki, get açdığım filan iş yerində işlə.Mənasız işlərlə məşğul olma. Ailən də ac qalmasın.”

Gundemxeber.az bildirir ki, "Araz Media”-ya daxil olan məlumata görə, Şahbuz rayonunda 5-10 adamın işləyib, ailəsinə çörək pulu apara biləcək iş yerinin açılmasına icra başçısı Rəfael Babayev niyəsə, qərəzli şəkildə mane olur.Adını da qoyur ki, tikəcəyiniz obyekt ana yola yaxındır.Yol da nə yol. Camaat acından ölməli, yol geniş olmalıdır… Bəhanəyə bax e. “Ana yol” deyəndə də, tikiləcək obyektlə yolun arasında ən azı 25 metr boş torpaq var.Nəzərə alsaq ki, həyətdən çöldə qalan həmin 25 metr ərazi də, 1999-ilin dövlət aktına əsasən həmin vətəndaşa məxsus olub, bu yerdə daha başqa sözə ehtiyac qalmır.Dövlət məgər vətəndaşlara iş yerləri açmaq istəmir?Bunun üçün müxtəlif yolları, vasitələri araşdırmır? Prezident İlham Əliyev bu yöndə gecə-gündüz adekvat addımlar atmır? Məgər, pis olar ki, 5-10 vətəndaş, kiminsə açdığı şəxsi müəssisədən maaş alıb, dövlətə vergi versə? Axı, vətəndaşların əksəriyyəti bu dediklərimi məhz dövətin etməli olduğunu düşünür.!

Ölkə başçısından və Birinci vitse-prezidentdən xahiş edirəm, Şahbuzda vətəndaşların yaşaması üçün iş yerinin açılmasına süni əngəllər yaradan, onlara bürokratik əngəllər yaradan başçı barədə ölçü götürsünlər.

Fariz Quliyev