Abşeron rayonu Xırdalan şəhəri Yusif Məmmədəliyev küçəsində yanğın baş verib.

Gündəm Xəbər ARB TV-yə istinadən xəbər verir ki, Fövqəladə Hallar Nazirliyinin yanğından mühafizə xidmətinin əməkdaşları hadisə yerinə gəliblər. Evdə olan körpə uşaq yanğından xilas edilib.
Məlumata görə Fövqəladə Hallar Nazirliyi əməkdaşlarından birinin halı pisləşib. Hadisə yerinə təcili tibbi maşını gəlib. Yanğınsöndürənə ilkin tibbi yardım göstərilib. Alov söndürülüb. Hadisə zamanı evin çox hissəsi əşyalarla birlikdə yararsız hala düşüb.
Yanğının səbəbləri araşdırılır.