Sabirabad rayonunda ana doğuşdan sonra ölüb. Sentyabrın 10-da İmişli rayonunun Qaraqaşlı kənd sakini İranə Usubəli qızı Əzizova doğuş üçün Sabirabad rayon doğum şöbəsinə yerləşdirilib.

İ.Əzizova orada oğlan uşağı dünyaya gətirib. Doğuşdan sonra ananın vəziyyəti normal olsa da qadın bir gün sonra xəstəxanada müəmmalı şəkildə ölüb. Körpənin vəziyyətinin yaxşı olduğu və bu gün xəstəxanada evə buraxıldığı bildirilib.

Növbətçi həkim Güllü Quliyeva hadisə barədə danışıb: “Gəldim gördüm ki, qız gömgöydü. Ağzından köpük gəlirdi, çırpınırdı. Qaldırdı reanimasiya şöbəsinə ancaq ananı xilas edə bilmədik” /BAKU.WS