Qobustan həbsxanasında cəza çəkən "Müsəlman Birliyi" Hərəkatının sədri Taleh Bağırovun haqqında yeni cinayət işi başlanıb.

T.Bağırova Cinayət Məcəlləsinin 317-2-ci (cəzaçəkmə müəssisəsində və ya istintaq təcridxanasında saxlanılan şəxs tərəfindən qadağan olunmuş əşyaların hazırlanması, saxlanması ) maddəsi ilə ittiham verilib.

Məlumata görə, Taleh Bağırovun üzərindən kəsici-deşici əşya tapılıb.

Qeyd edək ki, T.Bağırov 2015-ci il noyabrın 26-da Baş Mütəşəkkil Cinayətkarlıqla Mübarizə İdarəsinin Bakının Nardaran qəsəbəsində keçirdiyi əməliyyatda həbs olunub.

Bakı Ağır Cinayətlər Məhkəməsinin hökmü ilə Taleh Bağırov 20 il müddətinə azadlıqdan məhrum edilib.