Bakı Dövlət Universitetinin (BDU) rektoru Abel Məhərrəmov prezident İlham Əliyevin sərəncamı ilə istefaya göndərildikdən sonra, yaxın ətrafında ciddi narahatçılıq başlayıb.

GundemxeberAz muxalifet.az-a istinadla xəbər verir ki, sabiq rektora yaxın şəxslərin bəziləri artıq istefa vermək qərarına gəliblər. Bunlardan biri kimi A.Məhərrəmovun universitetdəki ən yaxın adamlarından biri kimi tanınan İsmayaıl Əliyevin adı çəklilir.
Bu haqda informasiya verən mənbə deyir ki, BDU-nun Elmi işlər üzrə keçmiş prorektoru, hazırda rektorun müşaviri vəzifəsini daşıyan İsmayıl Əliyev bu gün şəxsi əşyalarını yığaraq universiteti tərk edib. O, çıxarkən bildirib ki, həftənin birinci günü gəlib istefa ərizəsini yazacaq və bununla da BDU-dakı fəaliyyətinə son qoyacaq.
Xatırladaq ki, srağagün BDU-nun sabiq rektoru Abel Məhərrəmovun da şəxsi əşyalarını universitetdən daşıdığı haqda məlumat vermişdik. Qeyd etmişdik ki, bundan öncə BDU-nun İqtisadi-təsərrüfat işləri üzrə prorektoru Nəbi Ramazanlının göstəriş ilə universitetin əsas korpusunun birinci, ikinci və üçüncü mərtəbələrindəki bütün kameralar söndürülüb. Daha sonra A.Məhərrəmovun 18 illlik rektorluğu dönəmində aldığı hədiyyələri və digər şəxsi əşyaları öz otağından çıxarılıb.
Onu da xatırladaq ki, Bakı Dövlət Universitetinin rektoru Abel Məhərrəmov noyabrın 15-də prezident İlham Əliyevin sərəncamı ilə vəzifəsindən azad olunub.