Naxçıvan Gömrük Komitəsinin sədr müavini Mirməhəmməd Seyidov intihar edib. Gundemxeber.az BakuPost-a istinadən xəbər verir ki, Mirməhəmməd Seyidov Şərur rayonunun mərkəzində odlu silahla özünə atəş açıb. Onun cənazəsi dəfn olunmaq üçün Bakıya gətirilir.

Gömruk polkovnikinin qardaşı, Binəqədinin sabiq prokuroru Mirələkbər Seyidov qardasinin özünə qəsd etdiyini, onun cənazəsinin Bakıya gətirildiyini təsdiqləyib.

Gömrük generalı haqda məlumat dəqiqləşdirildi
Əslən Sədərək rayonundan olan M.Seyidovun niyə Bakida dəfn edilməsi sual doğurur.
Ümumiyyətlə, bu intiharla bağlı qaranlıq məqamlar coxdur.
Xatırladaq ki, əvvəllər Sədərək gömrüyünün rəisi vəzifəsində işləmiş M.Seyidov Türkiyədə məşhur həbs olayından sonra vəzifəsinə qayıdıb. 2017-ci ilin iyun ayında vəzifəsindən uzaqlaşdırılmış, bir neçə aydan sonra Gömrük Komitəsinin rəis müavini vəzifəsinə təyin olunmuşdu.

Məlumata görə, təxminən 1 ay əvvəl – noyabrın 26-da Naxçıvan MR Gömrük Komitəsinin sədri Asəf Məmmədov gözlənilmədən vəzifəsindən azad olunandan sonra GK rəhbərliyinin fəaliyyəti dərindən təftiş olunmağa başlayıb.

Son məlumatlara görə, o bir neçə gün öncə görəvdən alinaraq sərəncama götürülub. Bununla yanaşı istintaqa cəlb olunub.

Gundemxeber.az qeyd edir ki, Mirməhəmməd SeyidovNaxçıvanın Sədərək Gömrük Məntəqəsinin rəisi olan zaman – 2013-cü il dekabrın 17-də neçə il əvvəl Türkiyədə həbs olunub.Mirməhəmməd Seyidov rüşvət və qaçaqmalçılıq əməliyyatı çərçivəsində saxlanılıb.

Qarsa gedən Mirməhəmməd Seyidov təyyarədən düşən kimi Türkiyənin Mütəşəkkil Cinayətlərə Qarşı Mübarizə İdarəsinin əməkdaşları tərəfindən tutulub. Həmin vaxt yayyılan məlumatlarda bildirilirdi ki, əməliyyat zamanı Seyidovdan başqa 7 gömrük işçisi, 10 daşıma şirkətinin sahibi olmaqla, ümumilikdə 17 nəfər saxlanılmışdı.

Mirməhəmməd Seyidov bir neçə aylıq həbsdən sonra – 04 iyul 2014-cü ildə azadlığa çıxmışdı. Nə qədər qəribə də olsa, bu həbsdən sonra işinin başına qayıtmışdı.

Daha sonra sərəncama götürülən M.Seyodov bir müddət sonra daha yüksək vəzifəyə – Naxçıvan DGK sədrinin müavini vəzifəsinə təyin edilmişdi.

M.Seyidovun adı mediada dəfələrlə rüşvət, qaçaqmalçılıq və FETÖ ilə əlaqədə hallanmışdı. M.Seyidov bu ittihamları təkzib etmişdi.