Dünən səhər saatlarında 7gun.az saytının təsisçisi, jurnalist Cavid Şirəliyevin Masallı rayonunun Ərkivan qəsəbəsindəki evlərinin yandırılması ilə bağlı, adını yazıda çəkdiyimiz şəxs tərəfindən redaksiyamıza məlumat çatdırıldı.

‌Cavid Şirəliyev redaksiyamızla əlaqə saxlayıb, bildirdi: "S əhər saatlarına yaxın, yəni saat təxminən 4 radələrində naməlum şəxs və ya şəxslər tərəfindən Ərkivan qəsəbəsindəki evimizin yandırılmasına cəhd edilib. Bu barədə, mən, DİN-in 102 xidmətinə məlumat vermişəm. Hesab edirəm ki, son vaxtlar rəhbərlik etdiyim 7gun.az saytında Masallı rayonunda hökm sürən məmur özbaşınalığı və insanların hüquqlarının kobud şəkildə pozulması, eyni zamanda RİH-in başçısı Rafil Hüseynovun qanunazidd əməl və hərəkətləri ilə bağlı dərc etdirdiyim məqalələrin baş verən olaya birbaşa təsiri olub . Hadisə zamanı ailə üzvülərimiz evdə olsalar da, xoşbətlikdən xəsarət alan olmayıb”.
‌Cavid Şirəliyevin redaksiyamıza çatdırdığı bu məlumatlar əsasında, Gundemxeber.az saytında məqalə dərc etdik. Bu gün isə, dərc etdiyimiz məqalə ilə bağlı DİN-nin mətbuat xidmətinin rəis müavini Orxan Mansurzadə tərəfindən redaksiyamıza açıqlama daxil oldu. DİN rəsmisi həmin açıqlamasında qeyd edir : “Hadisə ilə əlaqədar Bakıda olan Cavid Şirəliyevin bacısının müraciəti əsasında, Masallı RPŞ-nin əməkdaşları həmin ünvanda olublar. Məlumatı yayan Cavid Şirəliyev Bakı şəhərində olduğundan, onun bacısının yazılı ərizəsi alınırb . Alınmış ərizə əsasında araşdırmalar aparılıb və belə bir ehtimal formalaşıb ki, baş verən yanğın hadisəsinə səbəb, məhz qaz sobasının pəncərəyə yaxın yerdə olmasıdır . Belə ki, mətbəxdəki qaz sobasının yaxınlğındakı selafon örtüyün yanması səbəbindən, hədisə baş verib. Bu da, yanğın hadisəsinin baş verməsi ilə nəticələnib . Odur ki, belə bir olayı siyasiləşdirib, peşə fəaliyyətinə aid etmək qəti şəkildə yolverilməzdir”. Orxan Mansurzadə onu da qeyd edib ki, bu olayla bağlı Masallı RPŞ-nin təhqiqat bölməsinin əməkdaşlarının apardıqları ilkin araşdırmalardan sonra, toplanmış iş materialları Fövqəladə Hallar Nazirliyinin Cənub Regional Dövlət Yanğından Nəzarət Idarəsinə göndərilib. Yəqin ki, adı çəkilən qurum tərəfindən aparılacaq araşdırmalardan sonra, yanğın hadisəsinin baş vermə səbəblərinə hüquqi qiymət veriləcək”.

Gundemxeber.Az