“Bir həftə gözlədəndən sonra namizədliyimi qeydə almadılar”

98 saylı Şəmkir şəhər Seçki Dairəsi “Cümhuriyyət Siyasi Düşüncə Mərkəzi”nin sədri, tarixçi Ceyhun Nəbinin namizədliyini qeydə almayıb.

Ceyhun Nəbi Meydan TV-yə deyib ki, imza vərəqələrini yanvarın 7-də DSK-ya təqdim etsə də, onu bir həftə gözlədəndən sonra hesabat tələb ediblər.

Yanvarın 13-də Mərkəzi Seçki Komissiyasının İnformasiya Mərkəzinin saytında onun namizədliyinin qeydə alınmadığı öz əksini tapıb:

“Yanvarın 12-də məni dəvət edib hesabat tələb etdilər, guya imza verənlərə pul vermişəm. Mən də DSK-ya bankdan sənəd təqdim etdim ki, pul çıxarışım olmayıb. Dairə komissiyası mənim imza toplayanlarımı çağırmaq istəyirdi, etiraz etdim. Onlardan soruşdum ki, hakim partiyanın namizədi Sahibə Qafarovanı niyə dəvət edib bu tələbləri xatırlatmırsınız? Onun namizədliyinin qeydə alındığını bildirdilər. Təsəvvür edin ki, yanvarın 7-də imza vərəqələrini təqdim etmişəm, bir həftə gözlədəndən sonra rədd cavabı verdilər”.

O, yanvarın 14-də MSK-ya teleqram ünvanlayacağını və ardınca məhkəməyə şikayət edəcəyini deyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.