Apellayasiya Məhkəməsi Milli Şuranın Koordinasiya Mərkəzinin üzvü Tofiq Yaqublunun şikayətinin təmin etməyib.

Gundemxeber.Az bildirir ki, bu barədə onun qızı Nigar Həzi məlumat yayıb.

“Apellyasiya məhkəməsi Tofiq Yaqublunun şikayətini təmin etmədi və qərarı qüvvədə saxladı.

Dövlət ittihamçısı Tofiq Yaqublunun həbsdə saxlanmasını belə əsasladırıb: "O, residiviatdir. Dəfələrlə cinayət törədərək həbsdə olub", - deyə o bildirib.

Nigar Həzinin sözlərinə görə, dövlət itihamçısının fikirlərinə Tofiq Yaqublunun cavabı sərt olub.

"Əsl cinayətkar sizsiniz. Əliniz neçə günahsız insanın həbsində var və buna görə də mütləq cinayət məsuliyyətinə cəlb olunacaqsınız”, - deyə o bildirib.

Nigar Həzi qeyd edib ki, məhkəmə zalına “mülkü geyimlilər” də gətirilibmiş. Vəkil Aqil Layıcın etirazından sonra hakim onları məhkəmə zalından çıxarıb.

Tofiq Yaqublu Cinayət Məcəlləsinin 221.3-cü (xuliqanlıq) maddəsi ilə ittiham olunur. Yaxınları isə həbsi sifariş sayır və bunu onun siyasi fəaliyyətilə izah edirlər.

Gundemxeber.Az