ABŞ-da həbs edilən və daha sonra sərbəst buraxılan Rza Zərrabın həyatı ilə bağlı yeni görüntülər ortaya çıxıb.

Adını Aaron Goldsmith olaraq dəyişdirən və atçılıq mərkəzi işlədən Zərrab hazırda Mayamidə yaşayır.
Onun 3,6 milyon dollar dəyərində olan dəbdəbəli göydələndə yaşadığı öyrənilib.  ABŞ polisi  Zərrabın "WhatsApp" fotolarını  əldə  edib.  Məlum olub ki, Zərrab həbsdən çıxdıqdan sonra  özünə lüks  həyat tərzi qurub. Bununla yanaşı fotolarda Rza Zərrabın yüz min dollar dəyərində olan "Richard Mille" İsveçrə qol saatı diqqət çəkib.  
Amerikalı jurnalistlər 38 yaşlı Zərrabı Mayamidəki Kokos bağına qədər izləyiblər. Zərrabın "Park Grove" mənzillərinin dayanacağında yeriyərkən cib telefonu ilə yüksək səslə türkcə danışdığı da müəyyən edilib. Daha sonra Zərrabın sürücünün idarə etdiyi “Cadillac”la bölgəni tərk etdiyi bildirilib.
Rzanın lüks həyatı Amerika mətbuatına gündəm  mövzusuna çevrilib. Belə  ki, jurnalistlər Zərraba  məxsus atçılıq  mərkəzini adını " PS Dressage" adlı internet saytında tapıblar. Onlar mərkəzin  "Next Level Performance" adını daşıdığını bildiriblər.

GundemXeber.Az