Dünən 16 iyul 2022-ci il tarixində AXC-nin 33-cü ildönümü günü KXCP Ali Məclisinin növbəti sessiyası keçirilmişdir. KXCP rayon (şəhər) şöbə sədrləri və Ali Məclis üzvləri saat 11.00-da milli azadlıq hərəkatının lideri ƏBÜLFƏZ ELÇİBƏYİN mazarını ziyarət edərək, məzarın üzərinə KXCP adından gül çələngi qoydular. Sonra tədbir iştirakçıları ƏBÜLFƏZ ELÇİBƏYin və milli azadlıq mücadiləsi başlanandan bu günə qədər həyatlarını qeyb etmiş, milli azadlıq hərakatının iştirakçılarını dualarla yad edərək,  Azərbaycan Respublikası dövlət himnin sədaları altında  ziyarət açıq elan edildi.

Ziyarətdən sonra KXCP-nin mənzil qərargahında ƏBÜLFƏZ ELÇİBƏYİN, dünyasını dəyişmiş milli azadlıq hərəkatının üzvlərinin və Azərbaycanın ərazi bütövlüyünü təmin etmək uğrunda canlarını fəda etmiş şəhidlərin ruhları dualarla yad edilərək Azərbaycan Respublikasının dövlət himninin sədaları altında, KXCP Ali Məclisinin növbəti sessiyası öz işinə başladı.

KXCP Ali Məclisinin Sessiyası ilk əvvəl öz gündəliyini təsdiq edərək,  KXCP rayon (şəhər) şöbə sədrlərinə, Ali Məclis üzvlərinə, KXCP İdarə Heyəti üzvlərinə, KXCP sədrinin müavinlərinə, KXCP sədrinin müşavirlərinə, KXCP MNTK-nın üzvlərinə tutduqları vəzifələrə uyğun KXCP sədri Mirmahmud Mirəli oğlu tərəfindən partiya vəsiqələri təqdim etməklə işini davam etdirdi.

KXCP Ali Məclisinin sədri Gülağa Adgözəlov KXCP sədri Mirmahmud Mirəlioğluna KXCP-nin vəzifə vəsiqəsini təqdim etdi. 

  KXCP Ali məclisi öz gündəliyində  duran təşkilati , KXCP-nin daimi seçki qərargahının yaradılması haqqında məsələləri müzakirə edərək müvafiq qərarlar qəbul etdi.

  KXCP Ali Məclisinin sessiyası KXCP sədri Mirmahmud Mirəli oğlunun ictimai-siyasi vəziyyət və qarşıda duran vəzifələr haqqında məruzəsini dinləyərək, məruzədən irəli gələn məsələlər haqqında qərar qəbul etdi.

 KXCP Ali Məclisi Azərbaycanın MDB adlı qurumdan çıxması, rus işğalçı "sülhməramlı" qüvvələrinin Azərbaycan ərazindən təcili çıxarılması, Azərbaycan milli kimliyinin türk və dövlət dilinin türk dili olması, Azərbaycanda rus dilinin geniş təbliğatına son verilməsi və rusdilli məktəblərin sayının azaldılması, rus dilinin digər xarici ölkələrin dilləri ilə səviyyədə tədris olunması, Qarabağ qazilərinin ölümlərində və Azərbaycan xalqının sosial rifah halının kəskin pisləşməsində əsaslı rolu olan Sahil Babayevin istefaya göndərilməsi haqqında Azərbaycan Respublikası prezidentinə müraciətlər ünvanlandı.

  KXCP Ali Məclisinin sessiyası həm də KXCP sədrinin müşaviri İlham Aslan oğlu Təhməzovun, KXCP Ali Məclisinin Astara rayonundan seçilmiş üzvü Elçin Xəlil oğlu İbrahimlinin həbsi ilə bağlı, Qarabağ qazilərinin intiharları, rus işğalçı qoşunlarının müstəqil Ukrayna dövlətinə təcavüzü və Ukraynanın ərazisində törətdiyi vəhşiliklər, inflyasiya və yüksək bahalaşma və əhalinin hakimiyyət tərəfindən sosial müdafiəsinin gücləndirilməməsi ilə bağlı bəyanatlar qəbul edərək, Qarabağ qazilərinin öz haqlı tələblərini həyata keçirmələri üçün intihardan uzaq durmaları haqqında qazilərə müraciət etdi.

KXCP Ali Məclisi sonda Azərbaycan Respublikasının dövlət himni ilə öz işini yekunlaşdırdı.   

Dövlətimiz üçün millətimiz üçün xeyirli uğurlu olsun inşallah.

GundemXeber.Az