Bu gün,  22 İyul Azərbaycan Milli Mətbuatının, ana dilində ilk qəzetin nəşrə başlamasının 147-ci ili tamam olur. 1875-ci ilin 22 iyulunda görkəmli maarifçi, təbiətşünas alim, publisist, mütəfəkkir Həsən bəy Zərdabinin əsasını qoyduğu “Əkinçi” qəzeti ilə xalqımızın milli oyanışında yeni səhifə açıldı.

Vətənpərvər ziyalı Həsən bəy Zərdabi böyük əzab-əziyyətdən sonra ana dilində ilk qəzetin çapına müvəffəq olmuş, 1875-ci ilin 22 iyul tarixindən 1877-ci ilin 29 sentyabr tarixinə qədər çapını davam etdirən “Əkinçi” ayda iki dəfə 300-400 tirajla nəşr edilmişdir. Bu müddət ərzində qəzetin 56 nömrəsi işıq üzü görmüşdür.

  Bu münasibətlə, bu gün Goranboy Rayon İcra Hakimiyyənin başçısı Məhərrəm Quliyevin təşəbbüsü ilə ölkə paytaxtında fəaliyyət göstən media nümayəndələrini və eləcə də Goranboydan olan peşəkar jurnalistləri mətbuat günü münasibəti ilə rayona dəvət etmiş və jurnalistlərin adına düzənlənən tədbirdə diplomla təltif etmişdir.

  Tədbiri giriş sözü ilə açıq elan edən Rayon İcra başçısının 1-ci müavini Seymur Nəzərov dövrü mətbuatın fəaliyyətindən və Həsən Bəy Zərdabinin təməlini qoyduğu Əkinçi qəzetinin yaranması haqqında geniş çıxış etdi. Seymur Nəzərov çıxışı zaman ölkə başçısı İlham Əliyevin mətbuata olan dövlət qayğısından və bu günkü dövrü mətbuatın inkişafından, Azərbaycan jurnalistikasında söz, fikir azadlığının yaradılmasını, demokratiyanın inkişafını özündə əks etdirən bu siyasət nəticəsində Azərbaycan dünyada sözə, insan hüquqlarına hörmət edən ölkə kimi tanınmasından da bəhs etdi. O, eyni zamanda tarixə ekskursiya edərək qeyd etdi: “Əkinçi” qəzetində dövrün görkəmli alim və ziyalılarının – Nəcəf bəy Vəzirovun, Moskvadan Əsgər ağa Goraninin, Şamaxıdan Məhəmmədtağı Əlizadə Şirvaninin, Dərbənddən Heydərinin göndərdikləri məktublar, Seyid Əzim Şirvaninin şeirləri və Mirzə Fətəli Axundzadənin “Vəkili-naməlumi millət” imzası ilə məqalələri dərc olunurdu.”

 Tədbirdə diplomla təltif olunan jurnalistlər də öz növbələrində başda rayon icra hakimiyyətinin başçısı Məhərrəm Quliyevə xüsusi minnətdarlıqlarını bildirməklə yanaşı, rayonda aparılan quruculuq işlərini, mətbuat sahəsinə olan xoş münasibətini də çıxışları zamanı dəyərləndirdilər. Azərbaycan Milli Mətbuat günü münasibəti ilə təşkil olunan tədbirdə bölgədən olan yerli jurnalistlər və ziyalılar da mətbuat haqqında ürək sözlərini ifadə etdilər.

Çıxış edənlər sırasında Goranboy rayonundan olan jurnalist Rüstəm Nağıyev bildirib ki, "jurnalistlər peşə fəaliyyətini həyata keçirərkən qərəzli mövqedən, şər və böhtandan uzaq olsalar yaxşı olar. Mən də öz növbəmdə Azərbaycanda və digər dünya ölkələrində fəaliyyət göstərən yerli jurnalistlərimizi ürəkdən təbrik edir, peşə fəaliyyətlərində uğurlar arzulayıram!" 

Tədbirdən öncə gəzinti edən jurnalistlər rayondakı abadlıq işlərini və rayonun mərkəzində yeni açılan klinikanın müasir dövrə cavab verdiyinin şahidi oldular. Görünən odur ki, sözün əsl mənasında rayonda quruculuq və abadlıq işləri sürətlə inkişaf etdirilir. Bu gün rayonda düzənlənən tədbir və gəzinti zamanı gördüklərimiz bizim üçün çox maraqlı oldu.

GundemXeber.Az