Yaponiya hökuməti hakim partiyanın Vəhdət Kilsəsi ilə əlaqəsinin aşkarlanmasından qəzəblənən ictimaiyyətin artan etirazına baxmayaraq, cümə günü hökumətin qətlə yetirilən keçmiş lider Şinzo Abenin dəfn mərasiminə 1,83 milyon dollar xərcləyəcəyini bildirib.

İyulun 8-də seçki kampaniyası mitinqində silahla atəş nəticəsində öldürülən Yaponiyanın ən uzun müddətli Baş naziri Abenin dəfn mərasimi qətldən sonra tez bir zamanda keçirilsə də, hökumətin qərarına görə, dövlət səviyyəsində dəfn mərasimi sentyabrın 27-də Tokionun Nippon Budokan arenasında keçiriləcək.

Baş nazir Fumio Kişida hökuməti dəfnin tam olaraq dövlət vəsaiti hesabına təşkil edilməsinə qərar verib.

Lakin rəy sorğuları çoxlarının bu fikrə qarşı olduğunu göstərib. Bazar günü dərc edilən sonuncu məlumatda görə, respondentlərin 53%-i dövlətin səviyyəsində dəfn mərasiminə qarşı çıxıb.

Hakim partiya ilə Vəhdət Kilsəsi arasındaki əlaqələrin aşkarlanması ictimaiyyəti qəzəbinə səbəb olub. Sorğuya əsasən respondentlərin əksəriyyəti həmin əlaqənin mahiyəti tam olara izah edilmədiyini düşünür. Bu, Kişida hökumətinin baş ağrısına çevrilib və onun dəstəyinin azalmasına səbəb olub.

1950-ci illərdə Cənubi Koreyada qurulan və kütləvi toyları ilə məşhur olan kilsə illər ərzində ianələri necə topladığı ilə bağlı suallarla üzləşib.

Hücumdan bir neçə dəqiqə sonra Abenin sui-qəsdində şübhəli bilinərək həbs edilən şəxs kilsənin onun anasını iflasa uğratdığını iddia edib və kilsəyə qarşı kin bəslədiyini bildirib. O, Abeni bunu təbliğ etməkdə günahlandırıb.

Gundemxeber.Az