Bakıda piyadanın vurulması ilə nəticələnən növbəti yol-nəqliyyat hadisəsi baş verib

Gündəm xəbər A24.az-a istinadən xəbər verir ki, hadisə dünən, iyulun 20-də Bakının Buzovna qəsəbəsində baş verib.

Belə ki, dünən saat 19:35 radələrində Buzovna yolunda “10 LJ 010” dövlət nömrə nişanlı “Gelandewagen” markalı avtomobil yoldan keçən piyadanı vurub.

Hadisə şahidlərinin verdiyi məlumata görə, piyada aldığı bədən xəsarətlərindən hadisə yerində keçinib.

Hadisə də diqqəti çəkən digər bir məqam isə qəzanı törədən şəxsin bahalı maşını və onun seriya nömrəsidir.

Avtomobilin qiyməti təxminən 155 min dollar, nömrə isə 20 min manat olar.