Mübahisədən sonra üç aylıq həyat yoldaşını öldürən 16 yaşlı gəlinin təcavüzə uğradığı üçün evlənmək məcburiyyətində qaldığı məlum olub.

Ötən gün 16 yaşlı gəlin Tuğçe E. -nin, 18 yaşlı həyat yoldaşı Osman Kalenderi tapançayla öldürdüyü hadisəylə əlaqədar detallar ortaya çıxıb. İddiaya görə, Osman Kalender Facebook vasitəsi ilə tanış olduğu Tuğçe E. ilə yoldaşlıq etməyə başlayıb. Bir müddət sonra da aldadıb, təcavüz edib. Hadisənin ortaya çıxmasından sonra, hər iki tərəfin ailələrinin də istəyiylə 2 apreldə ailə həyatı qurublar. Yaşı az olduğu üçün dini nikahla evlənmək məcburiyyətində qalan Tuğçe E. onu zorlayanı heç cür qəbul edə bilməyincə cütlük arasında mübahisələr başlayıb. Maddi durumun aşağı olması da hər keçən gün mübahisəyə əlavə zəmin yaradıb. Buna görə də 16 yaşlı gəlin 1 ay əvvəl yoldaşını tərk edərək ailəsinin yanına dönüb.

Ayrılmaq istəməyən Osman Kalender isə yoldaşını geri dönməyə razı salmaq istəyib. Bundan sonra cütlük danışmaq üçün Kalenderin evində görüşüb. Ancaq qısa müddət sonra aralarında yenidən mübahisə baş verib. Böyüyən mübahisənin ardından yanında gətirdiyi sənədsiz tapançanı çıxaran Tuğçe E. Osman Kalenderə atəş açıb. Təcili yardıma zəng edən Tuğçe E. hadisə yerindən qaçıb. Bu vaxt atasına zəng edən Tuğçe E. "Osmanı öldürdüm" , - deyib. Evə gələn təcili yardım briqadası, Osman Kalenderin cəsədini tapınca polisə zəng edərək xəbər veriblər. Dərhal hərəkətə keçən polis qrupları Tuğçe E.-ni tutublar.

Tuğçe E. -nin anası Leyla E. polisə verdiyi ifadədə "Qızım təlaşla evə gəldi və çantasındakı tapançanı çıxarıb göstərərək Osmanı vurduğunu söylədi. Özünə və başqasına zərər verməməsi üçün tapançanı və evdəki ov tüfəngini bir yaxınımızın evinə qoyduq. Qızımı, Osmanın təcavüzə uğradığı üçün onunla evləndirmək məcburiyyətində qalmışdıq. Osman ayrılmalarına baxmayaraq qızımı rahat buraxmadı", - deyib. Ata Keramettin E. isə qızının hadisədən sonra ona zəng edərək "Ata, mən Osmanı öldürdüm" deyib.

İstintaq əmliyyatının tamamlanmasının ardından prokurorluğa sövq edilən gəlin həbs olunub.