Binəqədidəki yanğınla bağlı olan cinayət işində yeni faktlar üzə çıxır

Binəqədi rayonunda 16 mərtəbəli binada baş vermiş dəhşətli yanğınla bağlı həbs olunmuş “Qlobal Stone” MMC-nin pbaş direktoru Uğur Bəşirov, “Global Construction” MMC-nin təsisçisi və idarə heyətinin sədri Miryusif Mahmudov, həmin cəmiyyətin idarə heyətinin sədr müavini Ələkbər Əsgərov, Binəqədi rayon İcra Hakimiyyəti başçısının sabiq birinci müavini Qəzənfər Novruzov, 2012-2013-cü illərdə Binəqədi rayon Mənzil Kommunal Təsərrüfat Birliyinin rəisi işləmiş rayon icra hakimiyyətinin təsərrüfat şöbəsinin müdiri olmuş Ədalət Rəcəbov, Binəqədi rayonu, 72 saylı Mənzil Kommunal İstismar Sahəsinin rəisi Nizami Orucov, “Dərnəgül Boru Zavodu” Qapalı Səhmdar Cəmiyyətinin sınaq laboratoriyasının müdiri Ağacavad Məmmədovun cinayət işi üzrə məhkəmə prosesi davam edir.

Dünənki prosesdə əlavə şahid qismində ifadə verən Rasim Qəhrəmanov bildirib ki, Miryusif Mahmudovunşəxsi

sürücüsü olub: “Binada yanğın baş verən günü Miryusif Mahmudovla yolda gediblər. Həmin vaxt Miryusif müəllimə zəng gəldi və yanğının baş verdiyi bildirildi. Bizdə ora getdik. Miryusif müəllim bir qədər sonra gələrək maşına əyləşdi. Dərman qəbul etdi. Sonra evə yollandıq. Evə çatmağa az qalmışdıq ki, telefona zəng gəldi. Sonra Miryusif müəllim dedi ki, ofisə sür, ora MTN əməkdaşları gəlib. Məndə maşını ora sürdüm. Ofisin qabağında naməlum şəxslər var. Bir qədər sonra Miryusif müəllim və daha iki nəfər maşına əyləşdi. Maşını Miryusif müəllimin göstərişi ilə MTN-nin qabağına sürdüm. Ora da Miryusif müəllim düşəndə dedi ki, gözləmə, uşqaların məktəbdən çıxan vaxtıdır, onları məktəbdən götür. Mən də oradan getdim. Axşam saat 5 radələtində Miryusif müəllim zəng vurdu və Ağır Cinayətlər Üzrə Istintaq Idarəsinin qabağına gəlməyimi istədi. Saat 10-a kimi orada Miryiəudif müəllimi gözlədim”.

Digər şahid Elbrus Sultanov bildirib ki, “Qlobal Stone” MMC-nin ofisində mühafizəçi işləyib. Onun ifadəsinə görə, ofisə girişdə nəzarətçi olub: “Yanğın baş verən günü ofisə 4 nəfər gəldi. Onlardan kim olduğunu soruşdum. Vəsiqə göstərərək MTN əməkdaşı olduqlarını bildiriblər. Ön qapıdan içəri keçən 4 nəfər idi, digərləri kənarda dayanmışdı. Ümumilikdə gələnlər 12 nəfər olardı. Onlar ofisdən sənədləri apardılar, sonra axşam tərəfi Baş Prokurorluğun əməkdaşları gəldi, ofisdə axtarış aparıldı”.

Miryusif Mahmudov bildirib ki, hadisədən bir ay əvvəl həm telefonu dinlənilib, həm də izlənilib: “İzlənməyimi sürücüm

də bilib. Sürücümə deyirdim ki, bizi izləyəni dolaşdır, izləyə bilməsin”.

Rasim Qəhrəmanov bildirib ki, onları izləyənlər qara maşında olub. Daha sonra ifadə verən şahid Zaur Əbilov bildirib ki, “Qlobal Stone” MMC-də menecer işləyib. Onun sözlərinə görə, şirkətin baş direktoru İlqar Vəliyevi tanıyıb. O, deyib ki, təsisçilər şirkətə işçi götürməsinə, maliyyə məsələlərinə qarışmayıb. Şahid qeyd edib ki, təsisçilər şirkətin iş planlarına qarışmayıb. Şahid daha sonra bildirib ki, yanğın hadisəsi baş verən günü MTN əməkdaşları gəlib: “Onları ofisdə İlqar müəllim qarşıladı. Yarım saat sonra Miryusif müəllim gəldi, 15 dəqiqə sonra bayıra çıxdılar. İlqar müəllim bildirdi ki, şirkətin baş direktoruyam, məni aparın. İlqar müəllimi aparmadılar, dedilər ki, bizə Miryusif müəllim lazımdı”.

Daha sonra şahid Samir Əsgərov bildirib ki, “Qlobal Stone” MMC-də mühafizəçi işləyib. O qeyd edib ki, yanğın hadisəsi baş verən günü ofisə gəlib: “Məni ofisin girişində qarşılayanlar bildirdilər ki, MTN əməkdaşıyıq, ofisə giriş bağlıdı”.

Proses noyabrın 22-də davam edəcək.

Ötən il mayın 19-da Binəqədi rayonu ərazisində, metronun “Azadlıq” stansiyasının yaxınlığında 16 mərtəbəli yaşayış binasında baş verən yanığında 15 nəfər həyatını itirib, 30 nəfərdən çox şəxs xəsarət alıb.