“MTN əməkdaşları görüntü yaddaşı olan qutuya da müdaxilə etdilər”

Binəqədi rayonunda 16 mərtəbəli binada baş vermiş dəhşətli yanğınla bağlı həbs olunan “Qlobal Stone” MMC-nin pbaş direktoru Uğur Bəşirov, “Global Construction” MMC-nin təsisçisi və idarə heyətinin sədri Miryusif Mahmudov və digər şəxslərin cinayət işi üzrə məhkəmə prosesi davam edib.

Hakim Əfqan Hacıyevin sədrlik etdiyi prosesdə Miryusif Mahmudovun vəkili Ilhamə Həsənova bildirib ki, onların vəsatəti əsasında çağırılan şahidlərin dindirilməsini istəyib.

Dövlət ittihamçısı bildirub ki, zərərçəkmiş və əsas şahidlərin dindirilməsi başa çatandan sonra əlavə şahidlərin dindirilməsi məsələsi müzakirə edilə bilər.

Hakim bildirib ki, cinayət işi üzrə əsas şahidlərin dondirilməsi başa çatıb. Bildirib ki, dindirilməyən zərərçəkmişlərdən ikisi qalıb: “Həmin zərərçəkmiş xaricdədir. Onu da dindirmək mümkün deyil. Digər zərərçəkmiş natarusdur, o da prosesə gəlməyib. Məlumat verib ki, yoldadır, buna görə də prosesdə 15 dəqiqəlik fasilə elan olunur”.

Qısa fasilədən sonra vəkilin əlavə şahidlərin çağırılması barədə vəsatət müzakirə edilib. Dövlət ittihamçısı vəsatətə münasibət bildirərək deyib ki, əlavə şahidlərin çağırılmasına ehtiyac yoxdur: “Əsas şahidlərin ifadələri kifayət edir. O şəxslər Miryusif Mahmudovun işçiləridir, hansı məzmunda ifadə verəcəkləri indidən bəllidir”.

Məhkəmə kollegiyası vəsatəti təmin edib.Əlavə şahid Mansur Hüseynov deyib ki, “Global Construction”da baş mühəndis işləyib: “Bizim şirkət şifariş qəbul edərkən direktor İlqar Vəliyev görüşlər keçirib, razılaşdırırdı. Mən inşaat rəhbərim Toğrul Məmmədovdan tapşırıq alırdım. Təsisçi Miryusif Mahmudov bu işlərə müdaxilə etmirdi. Poiuretan məhsulun hansı formada vurulması ilə bağlı qayda yoxdur. Bəzi binalarda karkaz qurulurdu bəzilərində yox”.

Şahid əlavə edib ki, yanğın hadisəsindən bir saat sonra Milli Təhlükəsizlik Nazirliyinin əməkdaşkarə gəlib və Miryusis Mahmudovu da aparıldığını eşidib: “Sonra Miryusif MTN-dən mənə zəng vurdu və bildirdi ki, işçilərlə bağlı sorğu-sual edilib”.

Daha sonra digər əlavə şahid Zahir Əliyev ifadə verib. O bildirib ki, Azadlıq prospektdə olan binada işləyib. Onun sözlərinə görə, “Global Construction” MMC-də iş icraçısı işləyib: “2013-cü ilin martından isə sahələrdə yox, şirkətdə işləməyə başladım. Azadlıq prospektində olan binanı Binəqədi Icra Hakimiyyətinin sifarişi ilə tikinti işləri görülüb.

Sonra natarus Ilqar Məmmədov ifadə verib. O bildirib ki, təüsirləndirilən şəxslərdən heç kimi tanımır. İstintaqa verdiyi ifadəsini təsdiqləyən Ilqar Məmmədov hadisənin baş verməsini danışıb: “Əvvəlcə yanğını gördükdə işimizə davam etdik. Amma yanğın artdığı üçün işçiləri ofisdən çıxardıq. Yanğından əvvəl orada şübhəli şəxs və ya oradan qaçan görməmişəm. Son vaxtlar belə hadisələri mətbuatdan eşitmişəm”.

İlqar Məmmədov bildirib ki, hadisə ilə bağlı yanğınsöndürənə zəng edib. O əlavə edib ki, bir neçə dəqiqə sonra yanğın böyüyüb: “Yanğın söndürənlər təxminən 25 dəqiqə sonra gəlib. Bu da yanğının çoxalmasına səbəb oldu”.

Vəkillərin sualına cavab verən Ilqar Məmmədov bildirib ki, yanğından əvvəl və ya sonra orada şübhəli şəxsin görməsi mümkün deyil: “Hadisədən bir gün əvvəl saat 7-də işim bitib və evə getmişəm. Mən həmin binada yaşamıram. Səhərdə işə gələndə xidməti otağımda olmuşam. Kameramda yoxdur ki, ətrafı izləyim. Binaya bitişik yarımçıq tikilini icarəyə götürmüşəm. Həmin tikilonin üstü də görsənmir. Mən həmin tikilinin üstünü yoxlamamışam. Bu mənim işimə də adiyatı yoxdur. Bizim ofisdən yalnız yuxarı mərtəbələtəri görürəm. Tüstünün baş verdiyini yeri heç kim görə bölməz. Tüstünün başlama vaxtını görmənişəm. Kəşfiyyatçıda deyiləm ki, həmin tüstülənmə vaxtını görüm”.

Əlavə şahid qismində ifadə verən İlqar Səfərov iifadəsində deyib ki, 2012-2013-cü illərdən “Global Constuction” MMC-də iş icraçısı vəzifəsində çalışıb. Onun sözlərinə görə, Bakıxanov qəsəbəsində yerləşən binanın fasadlama işlərini həyata keçirib: “Tikintiyə nəzarəti şirkət direktorunun tikinti məsələləri üzrə müavini Toğrul Məmmədov həyata keçirirdi. Şirkətə rəhbərliyi baş direktor İlqar Vəliyev icra edirdi. Poliuretan üzlüklərini binaların əyri səthlərini düzəltdikdən sonra vururduq. Burada beynəlxalq təcrübə nəzərə alınırdı. Yanğın baş verən gün mən ofisdə olmuşam. Sonradan ofisə Milli Təhlükəsizlik Nazirliyinin əməkdaşları gəldi”.

Digər şahid Amid Muxtayev 2012-ci ilin avqust ayından “Global Constuction” MMC-də bitmiş iş həcmlərinin qəbulu üzrə mütəxəssis vəzifəsində çalışıb: “İşimiz ondan ibarət idi ki, təmir yekunlaşandan sonra biz əraziyə gedib, onu yoxlayırdıq. Şöbə rəisi Zahir Əliyev, baş direktor İlqar Vəliyev idi”.

Samir Hacızadə isə ifadəsində deyib ki, 2007-ci ildən “Global Constuction” MMC-də baş direktorun marketinq və satış məsələləri üzrə müavini vəzifəsində çalışıb. O, şirkətin baş direktor tərəfindən idarə edildiyini, təsisçilərin bu işə müdaxilə etmədiyini deyib. Şahidin sözlərinə görə, poliuretan məhsullarının yanğın testini həyata keçiriblər: “Məhsulun keyfiyyətini nümayiş etdirmək üçün bunu video görüntü kimi yaydıq. Material çətin yanan maddələrdən hazırlanmışdı. Bizim şirkət keyfiyyət göstəricilərinə görə, dəfələrlə beynəlxalq mükafatlara layiq görülüb”.

Şahid əlavə edib ki, yanğın hadisəsindən 6 gün əvvəl şirkətə sabiq Milli Təhlükəsizlik Nazirliyinin bir neçə əməkdaşı gəlib: “Miryusif Mahmudov məni çağırıb, şirkətin kataloqlarını istədi. Qonaqlar gedəndən sonra gördüm ki, Miryusif müəllimin qanı qaradı. Səbəbini soruşduqda mənə dedi ki, bizə hədə-qorxu gəlib, pul tələb edirdilər. Guya onlar Xətaidə yanan bina işini araşdırırdılar. Mən həmin şəxsləri yanğın günü ofisimizdə də gördüm. Onlar bir çox sənədləri ofisdən apardılar. Sonra MTN əməkdaşları görüntü yaddaşı olan qutuya da müdaxilə etdilər”.

Proses noyabrın 17-də davam edəcək.

Ötən il mayın 19-da Binəqədi rayonu ərazisində, metronun “Azadlıq” stansiyasının yaxınlığında 16 mərtəbəli yaşayış binasında baş verən yanığında 15 nəfər həyatını itirib, 30 nəfərdən çox şəxs xəsarət alıb. “Qlobal Stone” MMC-nin baş direktoru Uğur Bəşirov, “Global Construction” MMC-nin təsisçisi və idarə heyətinin sədri Miryusif Mahmudov, həmin cəmiyyətin idarə heyətinin sədr müavini Ələkbər Əsgərov, Binəqədi rayon İcra Hakimiyyəti başçısının sabiq birinci müavini Qəzənfər Novruzov, 2012-2013-cü illərdə Binəqədi rayon Mənzil Kommunal Təsərrüfat Birliyinin rəisi işləmiş rayon icra hakimiyyətinin təsərrüfat şöbəsinin müdiri olmuş Ədalət Rəcəbov, Binəqədi rayonu, 72 saylı Mənzil Kommunal İstismar Sahəsinin rəisi Nizami Orucov, “Dərnəgül Boru Zavodu” Qapalı Səhmdar Cəmiyyətinin sınaq laboratoriyasının müdiri Ağacavad Məmmədov və Səhiyyə Nazirliyinin Gigiyena və Epidemiologiya Mərkəzinin baş direktoru olmuş Akif Əlibəyov həbs olunublar.