Azərbaycan İslam Partiyasının sədri Mövsüm Səmədov yenidən bir neçə günlük karsa (cərimə təcridxanasına) salınıb. Bu barədə Turan-a vəkil Anar Qasımlı bildirib.

Onun sözlərinə görə, bu xəbəri bu gün hüquqlarını müdafiə etdiyi şəxslə görüşmək üçün 11 saylı Cəzaçəkmə Müəssisəsinə gedəndə bilib.

“M.Səmədovun hansı səbəbdən və neçə günlüyə “kars”a salınması ilə bağlı məlumat verməyiblər”, - vəkil əlavə edib.

Onun sözlərinə görə, onu həbsxanaya buraxmayıblar və sabah gəlməyini tövsiyə ediblər.

Vəkil M.Səmədova işgəncə verilməsindən ehtimal etdiyini bildirib.

Penitensiar Xidmətdən şərh almaq mümkün olmayıb.

M.Səmədov 2011-ci ilin yanvarında həbs olunub. O, hakimiyyəti zorla ələ keçirməyə cəhddə təqsirli bilinərək

12 il müddətinə azadlıqdan məhrum edilib.

Bu gün İslam Partiyasının Baş Məclisnidə AİP Mövsüm Səmədovun prezidentliyə namizədliyini irəli sürüb.