Samir Qəhrəmanov, Azərbaycan Respublikasının Daxili İşlər Naziri Vilayət Eyvazova saytımız vasitəsiylə təşəkkür ünvanlayıb. Müraciəti təqdim edirik.

Hörmətli cənab Nazir!

Mənə qarşı dələduzluq hərəkətləri edərək, torpaq satmaq adi ilə, xeyli miqdarda pulumu ələ keçirən şəxs barəsində qanuni ölçü götürülməsi, problem barədə şəxsən Sizin məumatı olmağınız üçün, Azərbaycan mətbuatına müraciət etdim. Çünki bilirdim ki, mətbuatı daim izləyirsiniz və Siz xəbərdar olsanız, məsələ 100 faiz öz layiqli həllini tapacaqdır. Düşündüyüm kimi də oldu. Dərhal reaksiya verdiniz və ən qısa zaman kəsiyində, həmin şəxsin vurduğu zərərin tam ödətdirilməsiylə bağlı ciddi tapşırıq verdiniz. Baş Mütəşəkkil Cinayətkarlıqla Mübarizə İdarəsi, dərhal əməliyyat-axtarış tədbirləri həyata keçirdi. Dələduzluq etmiş şəxs tutularaq, idarəyə gətirildi. Qanunun aliliyinin qarşısında tab gətirməyən, dələduzluq etmiş şəxs, mənə vurmuş olduğu zərəri tam olaraq ödəməyə məcbur oldu və son manatadək puumu geri qaytardı.

Çox hörmətli Vilayət müəllim!

Siz bu barədə göstəriş verməklə, bir daha sübut etdiniz ki, jurnalistlərin, ümumiyyətlə Azərbaycan vətəndaşlarının rahat, sərbəst yaşamaları üçün, Azərbaycan Dövləti tam zəmanət verir. Məhz, Sizin xüsusi nəzarətiniz altında Azərbaycan Respublikasında insan hüquq və azadlıqları ən yüksək səviyyədə, birbaşa polis orqanları tərəfindən qorunur və bu kimi dələduz əməllər törədən şəxsləri ayrı-ayrı məmurlar, hansısa maraqlarına görə "bağışlasa", "qorusa" da, qanun və Siz bağışlamırsınız. Halal zəhmətimlə ədə etdiyim bu pulun geri qaytarılması üçün, etdiyiniz köməkliyə görə, bir daha Sizə öz dərin təşəkkürümü bildirirəm.

Dərin hörmət və ehtiramla
Samir Qəhrəmanov