“Rusiya və Qərb Paşinyana əvəzedici axtarır, xarici qüvvələr onu siliblər”.

GUNDEMXEBER.AZ moderator.az-a istinadla xəbər verir ki, Tert.am-ın yaydığı məlumata görə, bunu siyasi texnoloq sayılan Karen Köçəryan “Arkadi Qriqoryanla diqqət mərkəzində” verilişində söyləyib.
“Bu hakimiyyət bütün qüvvələr tərəfindən biabırçılıq kimi qələmə verilir. Onlar bunu bilirlər və əsəbidirlər, müxtəlif zorakılıq təzahürləri bunu göstərir. Yada salaq ki, Saakaşvilinin süqutu internetdə Gürcüstan həbsxanalarında insanların işgəncəyə məruz qalmasını əks etdirən videoların yayılması ilə başlayıb...
İndi hakimiyyət sorosçular və Rusiya Federasiyası tərəfindən tənqid olunur. Baxmayaraq ki, onlar hələlik müəyyən mənada Rusiya üçün faydalıdırlar və buna görə də hələ də hakimiyyətdədirlər. Onlar qlobal miqyasda silinib, lakin hələ də bəzi işlər görməlidirlər, bundan sonra onlar həmişəlik silinəcək”, - deyə Köçəryan bildirib.
“Siyasi ekspertin sözlərinə görə, Paşinyan da sənədlə keçmiş Dağlıq Qarabağı Azərbaycanın bir hissəsi kimi tanımağa və sülh müqaviləsini imzalamağa hazırdır, lakin onlara kənardan icazə verilmir. Köçəryan əmindir ki, razılaşma sülh gətirməyəcək və Paşinyan əvvəlki hallarda olduğu kimi, bunun niyə nəticə vermədiyini izah etməyə başlayacaq”- xəbərdə belə deyilir.
 

GUNDEMXEBER.AZ