Ən böyük maraq "Yuventus" - "Benfika" matçına idi

Bu gecə Avropa Liqasında yarımfinal mərhələsinə yekun vurulub. Çempionlar Liqasından sonra UEFA Avropa Liqasında da finalçıların adına aydınlıq gəlib. Keçirilən iki oyunla finalçılar məlum olub.
Gecənin şanslıları olan İspaniyanın “Sevilya” və Portuqaliyanın “Benfika” klubları finala vəsiqə qazanıblar.
Ən böyük maraq "Yuventus" - "Benfika" matçına idi. İlk oyunda öz meydanında italyanları məğlub edən “Benfika” bu matçda 1 qol vursa, “Yuve”nin işi çətin olacaqdı.
Digər qarşılaşmada isə ispan dueli baş tutub. "Valensiya" Mestalyada “Sevilya"nı qəbul edib. Əndəlus klubu ilk oyunda 2 cavabsız qolla qalib gəldiyindən, “yarasalar” finala çıxmaq üçün ən azı 3 top fərqi ilə qalib gəlməliydi.

1 may
Avropa Liqası, yarımfinalın cavab oyunları

"Valensiya" (İspaniya) - "Sevilya" (İspaniya) (İlk oyun - 0:2) - 3:1
Qollar: Feghouli, 14 (1:0), Beto-avtoqol, 26 (2:0), Mathieu, 69 (3:0), M'bia, 90+4 (3:1)

"Yuventus" (İtaliya) - "Benfika" (Portuqaliya) (İlk oyun - 1:2) - 0:0
Qırmızı vərəqələr: Perez, 67 ("Benfika"), Vuçiniç, 89 ("Yuventus"), Markoviç, 89 ("Benfika")