Bu gün klublar arasında dünya çempionatının final oyunu keçirilib.

Axar.az xəbər verir ki, həlledici oyunda “Real Madrid” Yaponiyanın “Kasima Antlers” klubu ilə qarşılaşıb.

Oyun “Real”ın 4:2 hesablı qələbəsi ilə başa çatıb. Madrid klubunun 3 qolunu Kriştiano Ronaldo vurub.

Qeyd edək ki, bu qələbə sayəsində “Real” tarixində 2-ci dəfə (ilk dəfə 2014-cü ildə) klublararası dünya çempionu olub.

Üçüncü yer uğrunda mübarizədə Kolumbiyanın “Atletiko Nasional” klubu Meksikanın “Amerika” komandasına penaltilər seriyasında qalib gələrək bürünc medal qazanıb.