Bu gün AFFA İntizam Komitəsinin iclası keçirilib.

Gundemxeber.Az PFL-in saytına istinadən xəbər verir ki, iclasda Misli Premyer Liqasının 14-cü turundakı qayda pozuntuları ilə bağlı qərarlar qəbul edilib.

"Səbail" - "Qarabağ" oyununda "Qarabağ"ın 4 futbolçusu sarı vərəqə aldığına görə klub 700 manat cərimə edilib.

Eyni matçın 62-ci dəqiqəsində "Səbail"in azarkeşləri tərəfindən lazer işıqdan istifadə edildiyinə görə klub 500 manat cərimələnib.

Həmin oyun bitdikdən sonra meydançaya kənar şəxslər daxil olduğuna görə Bakı təmsilçisi 800 manat cərimə edilib.

"Neftçi" - "Zirə" oyununun fasiləsində meydançaya kənar şəxslər daxil olduğuna görə "Neftçi" 800 manat cərimələnib.

"Turan Tovuz" - "Sabah" görüşündə "Sabah"ın 4 futbolçusu sarı vərəqə aldığına görə klub 700 manat cərimə edilib.

"Sumqayıt" - "Şamaxı" oyununun 78-ci dəqiqəsində "Sumqayıt"ın azarkeşləri tərəfindən meydançaya kənar əşyalar atıldığına görə klub 800 manat cərimələnib

Gundemxeber.Az