Azərbaycanın ən güclü zəka sahiblərindən biri olan Vüqar Həşimov gənc yaşda ölümü ilə hamını mat etdi

Hadisə Azərbaycanın ən güclü zəka sahiblərindən biri olan Vüqar Həşimovun ölüm xəbəri yayıldı. O, zəkası ilə nəinki Azərbaycanda, hətta dünyada da məhşur idi. O, Azərbaycanı dünyada həm təmsil, həm də təbliğ edirdi. Biz onu çox gənc yaşında itirdik və həqiqətəndə ölümü ilə bizləri mat elədi. Bu gecə dünyasını dəyişən qrossmeysterimizi silahdaşı Şəhriyar Məmədyarovla andıq.

“Son turnirlərdə biz hər zaman bir yerdə oynamışıq, bir yerdə Avropa çempionu olduq. Onun son turnirindən qabaqki turnirinə mənimlə getmişdik. Biz o turnirdə çox gözəl planlar qururduq. Fikirləşirdik ki, qarşıda nələr etmək lazımdır ki, Azərbaycan komandası dünyanın ən güclü komandası olsun. Biz onunla Avropa çempionu olmuşuq. İlk dəfə Azərbaycan tarixini yazmışıq".

Şahmatçının sözlərinə görə, həmkarı ilə ölüm haqqında fikirləşməyiblər, hələ çox gənc olduqlarını düşünüblər. "Çox təəsüflər olsun ki, gözlənilməz hadisələr baş verdi və bu hadisələrdən sonra Azərbaycan şahmatı - milli komadamız 2 ildir artıq Vüqarsız oynayırdı. Amma mən belə fikirləşirəm ki, son iki il ərzində nəinki Azərbaycan şahmat Vüqarı itirib, bu gündən sonra bütün dünya şahmatı Vüqarı itirdi. Bütün dünya çox üzülür.
Ona azərbaycan şahmatının əjdahası deyirdilər. O, şahmatı o qədər gözəl oynayırdı ki, hamıya xoş gəlirdi. Onun qarşısında məqsədləri var idi".

Həmkarının sözlərinə görə, Avropa çempionu olandan sonra bizi prezident qəbul etmişdi. Prezident onun səhhəti ilə şəxsən maraqlanırdı.