ABŞ-ın dövlət katibi Kerri Avropa Birliyinin xarici siyasət üzrə ali komissarı Ketrin Eşton ilə Ukraynada gedən prosesləri müzakirə edib. Kerri paytaxt Vaşinqtonda təşkil edilən mətbuat konfransında mayın 11-də Ukraynanın şərq bölgəsində Luqansk və Donetsk vilayətlərində keçirilməsi planlaşdırılan referendumun Ukraynanı daha da böləcəyini bildirib. "Ukraynanı parçalayacaq qanunsuz addımları qəti şəkildə pisləyirik. Bu, Krımda oynanan ssenarinin təkrarıdır" - deyə Kerri sözlərinə əlavə edib. Kerri daha sonra mayın 22-24-də Rusiyada keçiriləcək "St. Peterburq Beynəlxalq İqtisadi Formu"na amerikalı nümayəndələrin getməməsi xəbərdarlığını edib. Obama rəhbərliyinin bu xəbərdarlığından sonra iştirakçılar siyahısında olanların bir çoxu səfərini ləğv edib.
Sorğu
Yeni dizaynımız necədir?