Kremlin nümayəndəsi rəsmi Bakı ilə hərb dilində danışmaq üçün Azərbaycana gəlib

Artıq Rusiyanın Azərbaycana basqıları sıradan bir təzahürə çevrilməkdədir. Bir yandan ölkəmizdə süni şəkildə etnik-dini separatizm meyllərini artırmağa çalışan rəsmi Moskva digər yandan siyasi təzyiqlərini davam etdirir. İş o həddə çatıb ki, Azərbaycanla hərb dililə danışmağı da dəfələrlə vərdişinə çevirən Kremlin başbilənləri buna qədər bir neçə dəfə Azərbaycanı dolayı yollarla hədələyiblər.
Məsələn, bir neçə gün əvvəl Rusiyanın zamanında ermənilər tərəfindən Dağlıq Qarabağda vəhşiliklər etmiş polk komandirlərindən birinin rus mətbuatında xatirə yazısı dərc olunmuşdu ki, həmin yazısında İqor Stepaşkin adlı rus vəhşisi, yenidən Qarabağda savaş başlayacağı təqdirdə, xristian ermənilərə dəstək verə biləcəyini söyləmişdi. İndi isə bu kimi səbəblərin miqyası daha da genişlənmək üzrədir. Diplomatik qaynaqlardan sızan informasiyalardan aydın olur ki, bu həftənin birinci günü Moskvadan Bakıya sirrli bir qonaq gəlib və həmin qonaq yüksək səviyyədə qarşılanqdadır. Mənbəmizin iddia etdikləri: «Qonaq Rusiyanın hərbi dairələrinin nümayəndəsidir. General olduğu ehtimal olunur. Bu vaxta qədər yalnız Azərbaycanın Prezident Administrasiyasına aid iki ünlü sima ilə görüşüb və vaxtının çoxunu qaldığı oteldə keçirir».
Mənbəmiz bildirir ki, qonağın səfəri və kimliyi olduqca məxfi saxlanılır: «Amma hakimiyyət dəhlizlərində gəzən söhbətlərə görə, həmin qonaq rəsmi Bakı ilə hərb dilində danışmaq üçün Azərbaycana gəlib və onun gəlişi son günlər baş verən hadisələrlə, həmçinin Rusiyadakı «oliqarxların təşkilatı» ilə birbaşa əlaqəlidir».
“Xəbər xidməti”