Onların içində general Maykl Flint və Trampın oğlu da var

Donald Tramp və onun seçki qərargahının 2016-cı il seçkilərində Hillari Klintonu qaralama kampaniyasında Rusiya kəşfiyyatına çalışan hakerlərlə bilrikdə itşirak etdiyinə dair yeni faktlar üzə çıxıb.

ABŞ-ın “The Daily Beast” qəzetində çıxan yazıda Trampın seçki qərargahının rəhbərinin, qərargahın kompüter texnologiyaları üzrə direktorunun, hətta doğma oğlunun “Twitter” sosial şəbəkəsində Rusiya hökuməti tərəfindən maliyyələşdirilən peşəkar internet trollarının tvitlərini (statuslarını-red.) yaymaqla məşğul olduğu bildirilir.

Məsələn, özünün Tennessi ştatı respublikaçılarının qeyri-rəsmi Twitter səhifəsi adlandıran “@Ten_GOP” adlı akkauntun mərkəzi Rusiyanın Sankt-Peterburq şəhərində yerləşən “İnternet araşdırmaları agentliyi” adlı şirkətin hakerləridən biri olduğu ortaya çıxıb. Ən maralqısı isə Trampın seçki qərargahının rəhbəri və hazırda Ağ Evdə yüksək vəzifədə çalışan Kellian Konveyin həmin akkaunt tərəfindən Hillari Klintonun elektron yazılarını yayan statusunu öz səhifəsində yerləşdirərək dəfələrlə “retvit” etməsidir.

Yaxud da başqa bir Kreml yanlısı akkaunt tərəfindən, #hillarysemail #WeinerGate" həştəgi ilə həbsdə olan dənizçinin anası tərəfindən yazıldığı kimi qələmə verilən “Mənim oğluma tətbiq edilən məxfilik qaydalarını Hillariya da tətbiq edin” tviti kiçik Donald Tramp tərəfindən yayılıb. Həmin status minlərlə saxta hesab tərəfindən milyonlarla vətəndaşa çatdırılıb.

Trampın keçmiş milli təhlükəsizlik məsələləri üzrə müşaviri general Maykl Flinn də Rusiya trolları tərəfindən yayılan yalan məlumatları öz səhifəsini təqib edən minlərlə insanla paylaşıb. General Flinnn bu işə hətta eyni ad və soyadlı öz oğlunu da qoşubmuş.

Həmin akkauntun isə keçən ilin martında WikiLeaks tərəfindən Mərkəzi Kəşfiyyat İdarəsinin sənədlərinin yayılmasında iştirak etdiyi məlum olub.

“Konkret şəkildə ifadə olundsa, Rusiya tüfəngi doldurub, Trampın komandası isə sadəcə götürüb atəş açıb”, - Federal Təhqiqat Bürosunun keçmiş əməkdaşı Klint Uotts olanları qəzetə belə təsvir edib.

Əvvəllər Respublikaçılar parityasının məlumatlarını işləyib hazırlayan, hazırda “Red Metrics” analitik şirkətinin startegiya mütəxəsssi Mayk Hessonun sözlərinə görə, o bu cür akkauntları hələ partiya daxilində ilkin seçkilər zamanı müşahidə edib və burada şübhəli məqamların olduğunu sezib.

“Ten_GOP akkauntu (yuxarıda adı çəkilən-red) 2016-cı ilə seçkilərindən sonra Tennessi barədə informasiyalar verməyi buraxıb Fransa millətçilərinin lideri Marin Le Peni , özü də Rusiyanın qara təbliğat vasitəsi “Russian Today” kanalının materialları ilə təbliğ etməyə başlayıb”, - Hesson deyir.

Qəzetin yazdığına görə, Senatın Rusiyanın hərəkətlərini araşdıran komissiyasının tələbi ilə “Twitter” Kreml tərəfindən təbliğat və qaralama xarakterli materialları yerləşdirməklə məşğul olan 201 akkauntun siyahısını özündə birləşdirən fleş kartı komissiya üzvlərinə təqdim edib.

“Həmin fleş yaddaş kartında “Russia Today” kanalının Twitter-ə bu akkatuntlar vasitəsilə Hillari Klinton əleyhinə olan materialları yayan 1800 tvitə görə 274 min dollar pul ödədiyi göstərilib. Bu səbəbdən Senatda sentyabrın 28-də keçrilən dinləmələr zamanı ABŞ Demokrat partiyasının nüfuzlu senatorlarından sayılan Mark Uorner Twitter-in nümayəndələrinin sözlə üzərlərinə şığıyıb”, məqalədə deyilir.

Mayk Hessonun sözlərinə görə, bütün bunlar Twitter-in sərmayədarlarını oldquca narahat edir. Bu həm də “Twitter”-i populyarlaşdıran internet botları (informasiyanı avtomatik olaraq hesablar vasitəsilə yayan xüsusi proqram) məsələsində ona qarşı etimadsızlığı gücləndirir.