ABŞ-da həbsdə saxlanılan Azərbaycan əsilli Türkiyə vətəndaşı, iş adamı Rza Zərrabın adı təqsirləndirilən şəxslər siyahısından çıxarılıb.

gundemxeber.az lent.az-a istinadən xəbər verir ki, məhkəmə materialları yayımlanandan sonra Rza Zərrabın rəsmən təqsirləndirilən şəxslər arasında olmadığı üzə çıxıb və bu Türkiyə siyasi dairələrindəki Zərrabın "etirafçı şahid" qismində məhkəmədəki rolu narahatlığını dəqiqləşdirib.

Yayılan sənəddə göstərilir ki, hakim Bermenin qərarı ilə iş adamının adı təqsirləndirilənlər siyahısından çıxarılıb. Məlum işlə bağlı məhkəmə prosesində təqsirləndirilənlər kürsüsündə yalnız türkiyənin "HalkBank" bankının rəsmisi Mehmet Hakan Atilla yer alacaq.