BMT-nin Kimyəvi Silahların Yasaqlanması Təşkilatının bu gün açıqladığı hesabat;na görə, ötən il Suriyada qadağan edilən sarin və xlorin qazlarından istifadə edildiyi təsdiqlənib.

Təşkilat sarin əsəb qazından 2017-ci ilin mart ayının 24-də Ltamena şəhərində, xlorindən isə eyni şəhərdə bundan bir gün sonra istifadə edildiyini bildirib.

Qurum bu qənaətə şahidlərlə müsahibələr və götürülən nümunələrə əsasən gəldiyini deyib.

KSYT 2014-cü ildə faktların araşdırılmasına dair xüsusi komitə təsis edib. Komitə Suriyada kimyəvi silahlardan istifadə edilməsin dair iddiaları araşdırır. Komitənin kimyəvi silahlarla bağlı ittiham irəli sürmək mandatı yoxdur.