Fransa ordusu Malidə İŞİD-in (İslam dövləti terror qruplaşması) liderlərindən birini məhv edib.

Bu barədə Fransa Müdafiə Nazirliyinin bəyanatında deyilir.

İŞİD lideri Məhəmməd Aq Almunere Fransa Hərbi Hava Qüvvələrinə məxsus təyyarələrin aviazərbələri nəticəsində ölüb.

Həmçinin İŞİD-in daha bir nümayəndəsinin məhv edilməsi barədə məlumat verilsə də, Fransa Müdafiə Nazirliyi onun adını açıqlamayıb.

Əməliyyat zamanı iki dinc sakin - qadın və yeniyetmə ölüb. Daha iki nəfər və İŞİD-in bir üzvü isə yaralanıb.