Avqustun 13-də Çexiya prezidenti Miloş Zeman baş nazir İrji Rusnokun istefasını qəbul edib.

“Media forum” saytı xəbər verir ki, baş nazirin istefasına onun avqustun 7-də parlamentdən dəstək ala bilməməsi səbəb olub.

Avqustun 16-da Çexiya parlamentinin aşağı palatasının buraxılması məsələsinin müzakirə olunacağı gözlənir. Deputatlar səlahiyyətlərinin vaxtından tez dayandırılmasına səs versələr, prezident aşağı palatanı buraxacaq.

Parlament buraxıldıqdan sonra dövlət başçısı növbədənkənar parlament seçkisi təyin etməlidir.