Azərbaycanlı müəllim Lətif Ruzixahın 7 ay həbs cəzasını çəkmək üçün İran Azərbaycanının Culfa şəhərinin həbsxanaına köçürüldüyü bildirilir.

Şərqi Azərbaycan vilayətinin müəllimlərin həmkarlar ittifaqının idarə heyəti üzvü Lətif Ruzixah daha öncə Culfa İnqilab Məhkəməsi tərəfindən “İslam Respublikası nizamına qarşı təbliğat aparmaq” ittihamından günahkar tanınaraq, 7 ay həbs cəzasına məhkum edilmişdi.

Bundan əvvəl təqaüdçü olan culfalı müəllim noyabrın 10-da şəhərin İnqilab Məhkəməsində ona qarşı irəli sürülən sistemə qarşı təbliğat aparmaq ittihamından özünü müdafiə etmişdi.

Hazırda İranda 15 müəllim və təqaüdə çıxan müəllim həmkarlar ittifaqı fəalının həbsxanada saxlanıldığı bildirilir.