Sakinlərdən biri bildirib ki, bu məbləğ bir gün yaşamağa kifayət edə bilər. "Bu, 4 nəfərlik ailə üçün  meyvə və digər tərəvəzlər ala bilmək üçün bir günlük xərcidir. Bir dəfəyə 10 min drama meyvə və süd məhsulları ala bilərsiniz, uzağı 2 gün qənaət edə bilərsiniz, bundan artıq yox” - deyə gənc qadın əlavə edib.

Respondentlər arasında yaşlı bir kişi tək pensiya ilə dolana bilməyəcəyini, aldığı məbləğin hətta kommunal xərclərə çatmadığını, oğullarının Rusiyadan pul göndərdiyini və onun hesabına  yaşadığını bildirib.

Yaşlı kişi əlavə edib: "Normal yaşamaq istəyirsinizsə, 10.000 dram müqabilində cəmi 2 kiloqram ət almaq olar. Əgər Rusiyadan kömək olmasaydı və yalnız aldığım təqaüdlə yaşasaydım, 40 min dramı yalnız elektrik enerjisi üçün ödəyəcəkdim ”.

Vətəndaşlardan biri isə "Məgər 10.000 dram puldur? Bu gün 10 min dram pul deyil. Əgər bir az makaron, bir az ət götürsən pul bitəcək. Ölkədə hər şey bahalaşıb, camaat dözə bilmir artıq” belə bir sualın verilməsinə təəccübünü gizlətməyib. 

Nikol Paşinyana iki dəfə səs verən yetkin kişi isə suala qəzəbli cavab verib:

"Neçə gün nə deməkdir?! Bu məbləğlə yalnız  bir gün yaşamaq olar. Mən təqaüdçüyəm, 40 min dram alıram, 40 minə ev saxlayıram, kirayədə qalıram, işığı ödəyirəm, qaz pulunu ödəyirəm, bu məbləğlə xərcləri ödəyim yoxsa yoxsa yeməyimi ödəyim? Indi deyin görüm 40.000 dram nə puldur ki? Qiymətləri qaldırmaqla hakimiyyət hara kimin  gedəcək, əslində Paşinyan bizi tamamilə aldadıb”.

Digər narazı vətəndaş deyib ki, ermənilər yaşayış səviyyəsinə görə ruslardan üstün olub. "Bu gün isə mən 30-40 min pensiya alıram. Biz adi ticarətlə məşğul oluruq, çox çətinliklə ət, adi makaron və vermişel ala bilirik”, - deyə i əlavə edib.

Yaşlı qadın isə Ermənistanın Baş naziri Nikol Paşinyanı ittiham edib: "Nikol Paşinyan hələ müxalifətçi deputat olarkən Milli Məclisin tribunasından bahalaşma ilə bağlı hakimiyyəti ələ salaraq "Əziz camaat, ətin qiyməti qalxıb bundan sonra soğan yeyin və qarnınınzı doydurun”. Soğanı qoy indi Paşinyan özü yesin ki, camaatı bu vəziyyətə salıb".

"Nikol Paşinyan hansı vədi yerinə yetirmədi?” sualına  isə respondentlərin demək olar ki, hamısı Paşinyanın yalnız boş vədlər verdiyini bildirib. 

Vətəndaşlardan Ermənistandan bu yaxınlarda kütləvi şəkildə mühacirətin nə ilə nəticələndiyini soruşduqda yaşlı sakin bildirib: "70 yaşım olmasaydı, başımı götürüb gedərdim bu ölkədən. Adamın öz ölkəsini tərk edib getməyinə heyfi gəlir, deyirik, qalaq, işləyək, yaradaq. Amma necə? Söküb talayırlar, yaxşı heç nə yoxdur, ümid yoxdur ki, nə zamansa yaxşı bir şey olacaq. Paşinyanın dediklərinin hamısı yalandır, mən onu iki dəfə seçmişəm, amma Allah qoysa sabah yenə seçki olarsa, bu səhvi bir daha təkrarlamayacam. Mən 100-dən çox səslə ona  kömək etmişəm, mənim kəndim yüzlərlə evdən ibarətdir. Hansı kənddir deməyəcəyəm. İyunun 20-də həmin kənddən Nikol Paşinyana 150 səs verilib. Amma Paşinyan bu gün bizi aldadır. Nə qədər aldadacaqsan, Paşinyan?!”