21:48 

Ukrayna və Rusiya nümayəndə heyətləri humanitar dəhliz açılması və müvəqqəti atəşkəslə bağlı razılığa gəliblər. Bunu Ukrayna Prezident ofisi rəhbərinin müşaviri Mixail Podolyak deyib.

Onun sözlərinə görə, tərəflər əsasən humanitar aspektləri müzakirə ediblər və müvəqqəti atəşkəslə humanitar dəhlizlərin birgə təmin edilməsinə dair razılığa gəliblər.

“Vətəndaşların evakuasiyası, ərzaq və dərmanların çatdırılması üçün humanitar dəhlizlərin təmin edilməsinə dair razılığa gəlinib”. 

Podolyak həmçinin bildirib ki, Kiyev vı Moskva danışıqları davam etdirmək barədə də razılığa gəliblər. "Danışıqların üçüncü raundunun ən qısa zamanda keçirilməsi planlaşdırılır", - Mixail Podolyak qeyd edib. 

18:57

Belarusun Brest vilayətində Ukrayna və Rusiya arasında danışıqların ikinci mərhələsi başlayıb. Bu barədə Ukrayna mətbuatına Prezident Aparatı rəhbərinin müşaviri Mixail Podolyak məlumat verib. 

"Biz Rusiya nümayəndələri ilə danışıqlara başlayırıq. İlkin gündəliyin əsas məqamı: birincisi - dərhal atəşkəs, ikincisi - barışıq, üçüncüsü - mülki əhalinin dağıdılmış və ya daim atəşə tutulan kənd və şəhərlərdən çıxarılması üçün humanitar dəhlizlərdir", - Podolyak Twitter-də yazıb.

Gundemxeber.az