Tornadolar azı 5 nəfərin həyatına son qoyub

Dünya Amerika Birləşmiş Ştatlarının Mərkəz-Qərb hissələrindən keçən 65 tornado İllinoys ştatında azı 5 nəfərin ölümünə səbəb olub. Tornadoların əksəriyyəti də elə İllinoys ştatından keçib. Yerli xilasedicilərin məlumatına görə, bölgədə azı 70 ev dağılıb. Güclü külək ağacları kökündən qoparıb, evlərin damını uçurub. Xeyli sakin evlərinin zirzəmisində təcrid olunub. Tornadoların keçdiyi əksər regionlarda yollar bağlanıb.

Daha əvvəl meteoroloqlar Miçiqan, Ohayo, Kentukki, İndiana və İllinoys ştatlarının təhlükə zonasında olduğuna dair xəbərdarlıq etmişdi.