Şanxayda səlahiyyətlilər yeni COVID-19 infeksiyalarının davamlı azalmasına baxmayaraq, 26 milyon sakin üçün məhdudiyyətləri gücləndirib. Bəzi məhəllələrdə sakinlərə ən azı üç gün davam edəcək "sakit dövr" çərçivəsində evlərini tərk etmələrinə və ya sifarişlərinin çatdırılmalarına icazə verilmədiyi barədə yazılı məlumat verilib.

Yeni məhdudiyyətlər məhəllələrində hərəkət etməyə icazə verilməsindən qısa bir müddət sonra gələn sakinləri təəccübləndirib.

Çin sosial media saytlarında qonşularının koronavirus testi müsbət nəticə verərsə, evlərindən zorla çıxarılaraq otellərə və ya karantin müəssisələrinə yerləşdirilən sakinlərin hesabları, həmçinin dezinfeksiya etmək üçün mənzillərə girən tam qoruyucu geyimlərdə olan təmizlik qruplarına dair zarafatlar paylaşılır.

Şanxay şəhər rəsmisi Associated Press-ə verdiyi müsahibədə bu addımı təsdiqləyərək, yaşlı icmalardakı insanların ortaq vanna otağı və mətbəxləri olan evlərinin dezinfeksiya ediləcəyini söyləyib.

Bu öıçülər bazar günü Şanxayın Şərqi Çin Siyasi Elmlər və Hüquq Universitetinin hüquq professoru Tonq Zhivei və Şanxaydakı korporativ hüquqşünas Liu Dalinin bu cür təcrübələrin qanuniliyini şübhə altına alan açıq məktublarını sosial mediayaya göndərmələrınə səbəb olub.

Şanxayın demək olar ki, bütün sakinləri son altı həftə ərzində ciddi əmrlər altındadırlar, çünki Çin maliyyə mərkəzindəki məmurlar, əsasən yüksək yoluxucu omikron variantı ilə idarə olunan yeni COVID-19 hallarının kütləvi yayılmasını ehtiva etməklə mübarizə aparır.

Qapanmalar Çinin ən böyük şəhərində təzə ərzaq və dərman çatışmazlığı ilə bağlı qəzəbli şikayətlərə səbəb oldu. Səlahiyyətlilər bazar ertəsi təxminən 3000 yeni yoluxma hallarının qeydə alındığını bildirib. Bu, aprel ayının ortalarında qeydə alınan 26000 yoluxmadan çox azdır.

Pekin virusla barışmaz mübarizəsini davam etdirdiyi üçün bazar ertəsi daha çox kütləvi test keçirilməsi və yolların bağlanması ilə COVID-19 məhdudiyyətlərini daha da sərtləşdirib.

22 milyon sakini olan paytaxt 2020-ci ildən bəri ən pis epidemiya ilə mübarizə apardığı üçün daha çox yollar, obyektlər və parkları möhürləyib və şəhərin ən çox zərər çəkmiş ərazilərinin sakinlərinə evdən işləmələri bildirilib.

Çin gündəlik həyatı ciddi şəkildə pozduğuna və iqtisadi fəaliyyəti dayandırdığına baxmayaraq, sərt "sıfır-COVID" siyasətini ikiqat artırıb.

Xəbər üçün bəzi məlumatlar Associated Press, Reuters, Agence France-Presse-dən alınıb./amerikaninsesi.org/