İsrail Rusiyanın S-400 zenit-raket komplekslərini əldə etmək istəyinə görə İranın nüvə obyektlərinə zərbə endirmək qərarını tezləşdirə bilər.

Gundemxeber.az. xəbər verir ki, bu barədə “Bloomberg” İsrail və ABŞ-dakı mənbələrə istinadən məlumat yayıb.

Agentliyin məlumatına görə, İran Rusiyadan S-400-lər almağa çalışır. İsrail isə bunu Tehranın nüvə obyektlərinə potensial zərbələr üçün maneə kimi görür. Agentlik mənbələrə istinadən yazır ki, İranın S-400-ləri əldə etmək perspektivi “mümkün hücumla bağlı qərarın qəbulunu sürətləndirəcək”.

Agentliyin iki həmsöhbəti bildirib ki,  Tehran bu ilin sonuna qədər 10 bomba hazırlamaq üçün 60%-ə qədər zənginləşdirilmiş kifayət qədər urana malik olacaq.

GUNDEMXEBER.AZ