Alyaskada əsgərləri təlim meydançasına aparan yük maşınının qəzaya uğraması nəticəsində iki hərbçi ölüb, 12-si yaralanıb.

Gundemxeber.az xarici mediaya istinadla məlumat verir ki, şəxsi heyətin daşınması üçün istifadə edilən avtomobil hərbi personalın yerləşdiyi Ferbenksdan Salça bölgəsindəki təlim sahəsinə gedib. Avtomobildə 17 nəfər olub. Nəqliyyat vasitəsinin sürücüsü idarəetməni itirib və avtomobil aşıb.

Zərərçəkənlərə hadisə yerində ilkin tibbi yardım göstərilib, sonra onlar xəstəxanalara çatdırılıblar. İki hərbçi həlak olub.

Gundemxeber.az