“Rusiyanın Ukraynada hərbi müdaxiləsindən sonra Avropa İttifaqı ölkələrinin hərbi büdcələrinə ayırdığı vəsait 20 faizə qədər artıb”.

Gundemxeber.az xarici mediaya istinadla bildirir ki, bu açıqlama ilə Avropa Komissiyasının (AK) rəhbəri Ursula fon der Lyayen çıxış edib.

O, Avropa müdafiə sənayesinin səmərəliliyini artırmaq üçün Avropa Komissiyasının rəhbərliyi altında birləşməyə çağırıb.

Ursula fon der Lyayen İranın İsrailə hücumunu da şərh edərək vurğulayıb ki, ABŞ və Böyük Britaniyanın dəstəyi ilə İsrailin hava hücumundan müdafiə sistemlərinin İranın, demək olar ki, bütün raketləri zərərsizləşdirməsi Avropa İttifaqı üçün dərs olmalıdır.

“Bu, uzunmüddətli investisiyalar fonunda yaradılan müdafiə sisteminin nə qədər əhəmiyyətli olduğunu göstərir”, -  deyə Ursula fon der Lyayen qeyd edib.

Gundemxeber.az