Gundemxeber.az » Dünya » “Hizbullah” lideri İsrail hücumları ilə bağlı Hayfa sakinlərinə xəbərdarlıq edib
“Hizbullah” lideri İsrail hücumları ilə bağlı Hayfa sakinlərinə xəbərdarlıq edib
Livanın “Hizbullah” təşkilatının lideri Həsən Nəsrullah İsrailə qarşı hərbi əməliyyatların miqyasının genişləndiyini və sərhəddən xeyli aralıda yerləşən əhalinin məskunlaşdığı ərazilərə hücumlar təşkil edilmə ehtimalı olduğunu açıqlayıb.
Gundemxeber.az xəbər verir ki, Həsən Nəsrullah bunu iyulun 30-da Beyrutun cənubunda İsrail hərbi hava qüvvələrinin reydi nəticəsində Fuad Şükrün öldürülməsindən bir həftə sonra tərəfdarlarına televiziya ilə müraciətində deyib. Onun çıxışını “Əl Mənar” telekanalı yayımlayıb.
“Bizim pilotsuz təyyarələrimizin Nahariyadakı düşmən hərbi bazasına hücumundan sonra Hayfa sakinləri istənilən ssenariyə hazır olmalıdırlar”, - deyə o vurğulayıb. Onun sözlərinə görə, "Hizbullah"ın pilotsuz təyyarələri çərşənbə axşamı Hayfa körfəzində yerləşən Akko şəhərinin şərq kənarlarına çatıb.
Bundan öncə “Hizbullah”ın silahlı qanadının yaydığı bəyanatda kamikadze pilotsuz təyyarələrinin Nəhariyyədəki 621-ci xüsusi təyinatlı “Egoz” batalyonunun bazasına zərbələr endirdiyi və "Qolani" motoatıcı briqadasının kazarmalarına hücum etdiyini bildirilib.
Nəsrullah çıxışı zamanı İsrail hökumətinin Qəzza zolağında müharibəyə son qoymadan, Fələstin ərazisini ilhaq etmək məqsədi ilə İordan çayının qərb sahilində hərbi əməliyyatlara başladığını müdafiə edib.
Onun sözlərinə görə, Baş nazir Benyamin Netanyahunun bir perspektivi yoxdur və o, ABŞ, İngiltərə və Fransanın hərbi dəstəyinə baxmayaraq, məğlub olacaq.
Gundemxeber.az
Oxşar yazılar :
-
-
Axşam MÜHARİBƏ ƏMRİ VERİLƏ BİLƏR - Dünyanın ...
27-08-2019, 11:40
-
Hizbullah lideri: “İŞİD-i ABŞ ilə Səudiyyə ...
3-05-2019, 20:13
-
İsraillə “Hizbullah” arasında atışma gedir ...
29-12-2013, 15:07
-
“Təyyarələr artıq havada idi, Nəsrallahın bəxti ...
4-09-2019, 14:26
-
İranın dəstəklədiyi qruplardan minlərlə döyüşçü ...
24-06-2024, 14:51
Sorğu
Yay istirahətini harada keçirmək niyyətindəsiniz?