"Qızbəs Məmmədova həmin pulun 2000 manatının Təhsil Nazirliyinə, 500 manatının isə özünə çatacağını bildirdi"


Qəzetimizin ötən sayında Astara rayonunda təhsil sahəsində mövcud olan problemlər, korrupsiya faktları barədə yazmışdıq. Yazıda Astara rayon Təhsil şöbəsi müdirininkorrupsiya xarakterli əməllərindən bəhs olunurdu.
Yazıda qeyd olunurdu ki, dövlət tərəfindən vəsait ayrılmasına baxmayaraq, Astara rayonunda kənd məktəblərini istiliklə təmin etmək üçün şagirdlər odunu evlərindən gətirirlər. 2016-cı ilin yeni Tədris ilində Qurban Bayramı ilə əlaqədar verilmiş istirahət günlərinə görə müəllimlərin maaşları tutulub, 2016-cı ilin oktyabr ayında fənn kabinetlərinə görə ödənilcək pul məbləği ödənilməyib, Təhsilin bir növü olan fərdi təhsilə (saglamlığı məhdud olan uşaqlar üçün) görə oktyabr ayına görə müəllimlərə əmkhaqqı ayrılmayıb.
İnformatika dərsləri əksər məktəblərdə qeyri-ixtisas müəllimləri tərəfindən keçirilir. Onların da bəzilərinin kompyüterdən praktiki vərdişləri yoxdur. Ümumiyyətlə, kompyüter otaqlarında kompyüterlər müzey eksopanatı kimi qorunub saxlanılır.Yəni şagirdlər uzaqdan-uzağa kompyüterə baxmaqla kifayətlənirlər.

Bir sözlə, milyonlarla pul ayrılmış Astara təhsili Qızbəs Məmmədovanın sayəsində orta əsrlər dövrünün qanunları ilə yaşayır.

İş o yerə çatıb ki, Astara şəhər sakini
Həsənov Rəşad Əlövsət oğlu rayon təhsilindəki acınacaqlı durum, korrupsiya faktları ilə bağlı ölkə başçısı İlham Əliyevə müraciət edib. Müraciətdə bildirilir: "Möhtərəm Prezident! Astara rayon Təhsil şöbə müdirinin qanunsuz əməlləri barədə dəfələrlə dövlət orqanlarına müraciət etmişəm. Müraciətlərimin hamisi baxılması üçün Təhsil Nazirliyinə göndərilmişdir.Yazdığım məktubların korrupsiya araşdırma predmeti olmasına baxmayaraq, Təhsil Nazirliyinin aidiyyəti üzrə vəzifəli şəxsləri hələ də həmin məktubları araşdırılması üçün Baş Prokurorluğa göndərmirlər. Qızbəs Məmmədovanın qanunsuz əməlləri barədə etdiyim şikayətlərdən biri də onun məni Astara şəhər məktəbinə hərbi müəllim kimi işə düzəlməyim müqabilində 3000 manat pul istəməsidir. Qızbəs Məmmədova həmin pulun 2000 manatının Təhsil Nazirliyinə, 500 manatının Səfərbərlik və Hərbi Xidmətə Çağırış üzrə Xidmətin Astara şöbəsinə, 500 manatının isə onun özünə çatacağını bildirmişdir. Mən isə həmin pulu verməkdən imtina edərək şikayət etdim və Qızbəs Məmmədova da güya ki, onun şərəf və ləuaqətini alçaltmışam deyib məni məhkəməyə verib, mənə qarşı 5000 manat iddia irəli sürdü. Məgər Qızbəs Məmmədovanın tələb etdiyi rüşvəti verməmək onun işgüzar nüfuzunu aşağı salır? Belə çıxır ki, Qızbəs Məmmədovanın rüşvət tələbini itaətlə yerinə yetirməli idim? Möhtərəm Prezident Sizdən Xahiş edirəm ki, səsimə səs verib Astara rayon Təhsilində baş verənlərin araşdırılmasına göstəriş verəsiniz".

Həsən

gundemxeber.az