Məlum olduğu kimi respublikamızın bölgələrində yerli sakinlərə qarşı bəslənilən ögey münasibət, qol qoyulan haqsızlıqlar və s. bu gün də baş alıb getməkdədir. Belə ki, bəzi məmurların himayəsi ilə Türkiyədən qaqçaq düşən və nurçuluqda ittiham olunanları gizlədilməkdə adları hallanan vəzifə sahiblərinin əməllərini eşitdikcə, sanki şoka da düşürük. Görəsən ölkə rəhbəri cənab İlham Əliyevin apardığı davamlı mübarizənin qarşısını almaq istəyində olan bəzi vəzifə sahibləri, hansı maraqlara xidmət etdiklərinin fərqindədirlərmi? Onu da vurğulayaq ki, hələ bir müddət bundan əvvəl Türkiyə prezidenti ölkə rəhbərimizə hakimiyyət strukturlarında və digər sahələrdə nurçuların olması haqda fikirlərini çatdırdıqdan sonra müəyyən addımlar atıldı, hətta nurçuların təmsil olunduqları bəzi qurumların fəaliyyətinə xitam da verildi. Aparılan təmizləmə işlərinə baxmayaraq, əldə etdiyimiz məlumatlara görə bu gün də əhəmiyyət kəsb edən dövlət qurumlarında və bir çox sahələrdə nurçular hələ də qalmaqdadırlar.



Bu günlərdə “Gündəm Xəbər”ə Göyçay rayon sakinləri tərəfindən ünvanlanan şikayət məktubunu oxuduqca, əksər mətləblərdən də xəbər tuta bildik. Çünki, sakinlər ünvanladıqları şikayət məktublarında üz-üzə qaldıqları problemlərin varlığından, xüsusilə də nurçuluqda ittiham olunan şəxslərin əməllərindən bəhs edir və problemlərinin ictimailəşdirilməsini də xahiş edirlər. Belə bir səbəb üzündən də, redaksiyamıza ünvanlanan şikayət məktubunu əsas tutaraq, problemin varlığın çoxsaylı oxucularımızın diqqətinə çatdırmağı özümüz üçün borc bildik. Sakinlər yazırlar ki, “ Cəyirli kəndi ərazisində yerləşən "Kerpicsan " Göyçay Kərpic Zavodunda işləyirdik. Burada 100 nəfərdən çox adam işləsə də vergidən yayınmaq üçün 10-15 nəfərlə əmək müqaviləsi bağlayıblar. Bunun nəticəsində də bizim əmək hüquqlarımız kobud şəkildə pozulub.Biz bu qanunsuzluğa son qoyulmasını tələb etdikdə qanunsuz olaraq işdən çıxarıldıq.Türkiyədən qaçaq düşən çoxlusayda Fətulla Gülənin adamları hazırda bu kərpic zavodunda işləyib burada gizlənirlər. Biz isə Azərbaycan vətəndaşı olsaqda qanunu haqqımızı tələb etdiyimiz üçün işdən qanunsuz olaraq kənarlaşdırıldıq.Uzun illər işlədiyimiz əmək stajımızı batırdılar.Bu kərpic zavodu Türkiyə vətəndaşı türk iş adamı olan Nuri Alim və oğlu Fateh Alimə məxsusdur. Həmin şəxslər hazırda Türkiyədə həbsdə olsalarda kiçik oğlu Xəlil burada Azərbaycanda gizlənərək bu zavodu işlədir.Bu ata oğul türk iş adamları Nuri Alim və oğlu Fateh Alim Fətulla Gülənin yaxın adamlarıdır.Onlar Fətulla Gülənin bank hesabına Azərbaycandan pullar köçürürlər.Bunun üçündə Ərdoğan hakimiyyəti onları həbs etdirib.Bu zavodda istehsal olunan kərpiclərdən Bakı şəhərində göydələnlərin tikintisində istifadə edilir.İldə milyonlarla manat əldə olunan gəlirdən hazırdada Fətulla Gülənin hesabına pul köçürülür.Bu zavodda küllü miqdarda vergidən yayınma, əmək müqaviləsi bağlanılmadan işlədilmə, işçləri istirahət və bayram günləri də gündəlik 8 saatdan çox işlətmə, havanı çirkləndirməklə ekologiyaya ziyan vurma, Türkiyədən qaçaq düşmüş şəxsləri işlədilmə və sairə kimi qanunsuzluqlar, cinayətlər baş alıb gedir. Bu zavodun sahibləri Türk iş adamı olan Nuri Alim və oğlu Fateh Alimin həbs edilməsi xəbərini Türkiyənin Hürriyyet qəzetində oxuduq.Həmin internet linkin sizə təqdim edirik.İndi Fateh Alimin kiçik oğlu Xəlil burada fabrikdə tez-tez gülənçilərlə gizli yığıncaq keçirib təlimatlar verir.Ona burada yaxından kömək olan Azərbaycan vətəndaşı Qəbələ rayon sakni gülənçi Ramin Ağayev bu zavodun baş mühasibidir. Ramin Ağayev həmin pulları rahatlıqla Fətulla Gülənin bank hesabına köçürür.Biz xahiş edirik bu gülənçinin fəaliyyəti təcili yoxlanılsın bizim iş stajımız bərpa edilsin törətdikləri cinayətlərə görə onların barəsində tədbir görülsün.



Dadaşov Gülağa Baba oğlu
Qasımov Vəli Cəmil oğlu
Sadıqov Zaman Qalib oğlu
Məmmədova Dursun Qulam qızı
Əliyev Tənzilə Mövsüm qızı
Cavadova Məhəbbət Nazim qızı
Novruzov Rəfail Nüsrət oğlu
Babayeva Solmaz Ziya qızı