Atılan addımlar da, istər sahibkarlığın inkişaf etdirilməsi yolunda yaradılmış əngəl olmaqla bərabər, həm də yürüdülən dövlət siyasətinə dolayısı yolla olsa belə kölgə salmaqdan başqa bir şey olmur
Bu da bir həqiqətdir ki, Azərbaycan Respublikası dövlət müstəqilliyini əldə etdikdən sonra siyasi sabitliyin qorunub saxlanılması, qanunsuz hərbi birləşmələrin ləğvi, dövlət strukturlarının formalaşması və işlək vəziyyətə gətirilməsi və s. kimi əhəmiyyət kəsb edən məsələ və problemlərin həlli, qarşımızda duran əsas vəzifələrdən biri oldu. Onu da vurğulamaq yerinə düşər ki, dövlət müstəqilliyimizin ilk illərində respublikamız saysız-hesabsız təlatümlərlə, sarsıntılarla, qarşıdurmalarla, hətta çoxsaylı təxribatlarla da üz-üzə qaldı. Həmin illərdə Azərbaycan polisinin üzərinə həm şərəfli, həm də məsuliyyətli bir yük düşdü və onlar qətiyyətli iradələrini ortaya qoymaqla, məhz respublikamız məhv olmaq təhlükəsindən də xilas etməyi bacardılar. Belə bir addımların atılması yaxın tariximizin şanlı səhifəsi oldu ki, həmin illəri yaşayanlar, məhz bu gün də ötən illərin ağrılı-acılı günlərini müzakirə edərək bir daha xatırlayırlar.
İllər keçdikcə Azərbaycan polisi daha da təkmilləşdi. İstər qanunsuz hərbi birləşmələrin ləğvində və ərazi bütövlüyümüzün qorunmasında, istərsə də ölkəmizdə qanun-qaydanın bərpa olunmasında polis əməkdaşlarından bəzilərinin göstərdikləri iradə və bir çox problemlərin onların qanı bahasına həll olunması, məhz onlardan bəzilərinin adının tariximizin şanlı səhifəsinə qızıl hərflərlə yazılması ilə də nəticələndi. Bəli, bu gün də Azərbaycan polisi məsuliyyətli yükün daşıyıcısıdırlar.
Bu belə olduğu halda, bu gün bəzi vəzifə sahibi olan polis əməkdaşlarının əməllərini eşitdikcə sanki həm vəlvələyə, həm də zəlzələyə düşürük. Məsələn, dünən “Gündəm Xəbər”ə sensasiya doğura biləcək məlumatları çatdıran stomotoloqlardan biri bildirdi ki, “hal-hazırda Quba polisinə rəhbərlik edən Süleyman Nemətovun əməllərindən, rayon ərazisində stomotoloq fəaliyyəti ilə məşğul olanlar əməlli-başlıca “boğaza yığılıblar”. Yəni, bu peşənin sahibi olan hər kəsi polis rəisi il öncə qəbul edir və hər kəsdən 1000-5000 manat arası “haqq-hesab” aldıqdan sonra, çox keçmir ki, stomotoloqları aylıq “tasa” da otuzdurur. Mənbənin verdiyi məlumata görə, Quba RPŞ-nə rəhbərlik edən bu şəxs əvvəllər Nəsimi rayonunda və Sumqayıt şəhərində müavin vəzifələrini daşısa da, bu gün o, adı çəkilən rayonun polisinə rəislik etməkdədir. Yəqin ki, belə bir halın varlığıdır ki, yeni və daha səlahiyyətli vəzifəyə sahib olan Süleyman Nemətov, hal-hazırda belə bir addımlarını atmağa qərar verib. Çatdırılan başqa bir məlumatda o da bildirilir ki, adı çəkilən bu şəxs vaxtilə mitinq aksiyalarında iştirakçılara amansız divan tutduğundan, xarakterik xüsusiyyətində zaman-zaman qəddarlıq xarakteri formalaşıb. Məhz, belə bir səbəb üzündəndir ki, o, yenə də xarakterik xüsusiyyətindən irəli gələn addımlarını atmağa qərar verir.
Düşündürücü hal odur ki, stomotoloq fəaliyyəti də sahibkarlığın bir növüdür. Hal-hazırda belə bir fəaliyyət növü ilə məşğul olanlara daha çox ehtiyac duyulduğundan, bu gün təkcə Qubada deyil, hətta bütün şəhər və rayonlarımızda stomotoloji kabinetlərin sayı artmaqda davam edir. O halı da nəzərə alaq ki, diş problemlərinin qısa zaman kəsiyində aradan qaldırılması üçün, bu gün ən müasir avadanlıqlarla və lazımi dərman preparatları ilə təmin olunma da lazımi səviyyədədir. Hər şeydən öncə isə, belə bir addımların atılması, həm də yeni-yeni iş yerlərinin varlığı deməkdir. Bu da ölkə rəhbəri cənab İlham Əliyevin həyata keçirdiyi siyasətlə üst-üstə düşən anlardır ki, atılan addımlar da qəbul olunmuş “Dövlət Proqramı”nda öz əksini tapıb. Amma təəssüf doğuran hal odur ki, bu gün Quba RPŞ-nə rəhbərlik edən və “çakır” ləqəbi ilə tanınan Süleyman Nemətov daşıdığı vəzifəsinə güvənərək, rayon ərazisində belə bir fəaliyyət növü ilə məşğul olanları gözümçıxdıya salmaqla məşğul olur. Atılan addımlar da, istər sahibkarlığın inkişaf etdirilməsi yolunda yaradılmış əngəl olmaqla bərabər, həm də yürüdülən dövlət siyasətinə dolayısı yolla olsa belə kölgə salmaqdan başqa bir şey olmur.
Bütün bunlar onu söyləməyə əsas verir ki, Qubada polis rəisinin atdığı addımlar çoxsaylı sakinlərin, xüsusilə də stomotoloq fəaliyyəti ilə məşğul olanların haqlı narazılığına səbəb olmaqdadır. Bir amili də nəzərə alaq ki, əksəriyyət zaman-zaman Azərbaycan polisinə güvənc yeri kimi də baxıb. Hətta, mərhum prezidentimiz Heydər Əliyev “Azərbaycan polisi dövlətçiliyimiz əleyhinə yönəlmiş cinayətkar qəsdlərin, qeyri-konstusion əməllərin, vətəndaş qarşıdurmasının, kütləvi və mütəşəkkil cinayətkarlıq təzahürlərinin, cəzasızlıq mühitinin aradan qaldırılmasında hər zaman önəmli xidmətlər göstərmişdir. Əlamətdar haldır ki, daxili işlər orqanlarının şəxsi heyyəti, bütün bu kimi proseslərdə Azərbaycan xalqının, hər bir vətəndaşının, Azərbaycan dövlətinin maraqlarını, özlərinin vətəndaşlıq borclarını və xidməti mənafeyini hər şeydən üstün tutmuşdur” deyərək, polis əməkdaşlarına qarşı öz yanaşmasını belə bir formada ifadə etmişdir.
İnanırıq ki, Qubada polis rəisinin stomotoloqlara qarşı sərgilədiyi yanaşma ictimailəşdikdən sonra, problemin varlığı DİN-nin rəhbərliyinin də diqqətini cəlb edəcək. Hətta o hala da inanırıq ki, rəhbərliyin problemin varlığına müdaxiləsi, məhz Süleyman Nemətovun polis adıyla uzlaşmayan addımlara qol qoymasından da çəkindirəcək. Odur ki, həm gözləyək, həm də izləyək.
Problemin varlığı aktuallıq kəsb etdiyindən, onu diqqətdə saxlamağa çalışacağıq. Qarşı tərəfin də mövqeyini dinləyə bilərik.

Cəfər