Vüsal Ələkbərov: “Zərərçəkmişlər mənə böhtan atır”

Bu gün MTN polkovnikinə hökm elan ediləcək
Sahibkarlara hədə-qorxu gəlməkdə, onların külli miqdarda əmlakını ələ keçirməkdə ittiham olunan ləğv edilmiş Milli Təhlükəsizlik Nazirliyi İstintaq Baş İdarəsinin 2-ci istintaq şöbəsinin rəisi Vüsal Ələkbərovun cinayət işi üzrə məhkəmə prosesi baş tutmayıb.
Bakı Hərbi Məhkəməsində hakim Siyavuş Hacıyevin sədrliyi ilə baş tutan prosesdə Vüsal Ələkbərovun vəkili Hafiz Ələsgərovun məktubu elan edilib. Vəkil həmin məktubunda məhjəməyə gələ bilməyəcəyini və prosesin təxirə salınmasını istəyib.
Dövlət ittihamçısı Vüqar Quliyev bildirib ki, təqsirləndirilən şəxsin müdafiçiləri çıxış edib və hazırda son sözlə çıxış etmək üçün təqsirlədəndirilən şəxsə verilən vaxt bitib. Zərərçəkmişlər də prosesin təxirə salınması barədə müdafiçənin məktibuna etiraz ediblər.
Vüsal Ələkbərov bildirib ki, vəkil ilə müqavilə bağlayıb və onun prosesdə iştirak etməsi təmin edilsin. Hakim təqsirləndirilən şəxsin vəkilinə çıxış etmək üçün vaxt verilmədiyini, vəkillərin çıxış etmək mərhələsinin başa çatdığını, son sözlə Vüsal Ələkbərov sonuncu prosesdə vaxt istədiyin qeyd edib.
Hakim deyib ki, Vüsal Ələkbərova çıxışa hazırlaşmaq üçün yetırincə vaxt verilib. Vüsal Ələkbərov daha sonra don sözlə çıxış edib. O bildirib ki, “Texnikabank”ın Bakı filalının rəhbəri olmuş Zal Yisifov, Nizami Kazımov və digərlərinin cinayət işi onun icraatında aparılıb: “Onlarla bağlı qanunun məhkəmə qərarları qəbul edilib. Nizami Kazımov və Hüseyn Səfərov MTN-nin düşdüyü hazırkı vəziyyətdən istifadə edirlər, mənə qarşı böhtan atırlar. Hüseyn Səfərov və Nizami Kazımovdan həbsdən azad olunmaları üçün heç bir məbləğdə pul tələb etməmişəm. Onlardan iş üzrə zərərçəlmişlərə dəymiş ziyanın ödənilməsi üçün pul alınıb. Həmin pullarda zərərçəkmişlərə verilib. Bundan başqa Hüseyn Səfərov mənə hədiyyə etdiyi bahalı telefonu bir gün sonra onun özünə qaytatmışam. Hüseyn Səfərovun mənə bağışladığı ov tüfəngi də istifadə yararsız olub və atmışam. Həmin tüfəngi hədə-qorxu yolu tələb etməyim barədə ittihamda absurddur. Hüseyn Səfərov və Nizami Kazəmov həbsdən azad oluanadan sonra qardaşımın toyunda iştirak ediblər. Yaxşı ki, istintaq orqanı onların hədə-qorxu yolu ilə toya gətizdirməyim barədə ittiham verməyib”.
Vüsal Ələkbərov qeyd edib ki, iş adamı Namil Rzayevdən də pul alımayıb. Onun sözlərinə görə, digər iş adamı Elşən Mədətov “Texnikabank”a depozit pul qoyub və həmin vəsait bankın rəhbəri olmuş Zal Yusifov tərəfindən mənimsənilib. Elşən Mədətov Zal Yusifovun cinayət işi üzrə zərərçəkmiş şəxs qismində tanınıb. Elşən Mədətovdan hədə-qorxu yolu pul təıəb etməmişəm və almamışam. Mehrac Qurbnov banka 600 min avro vəsait qoyub və həmin vəsaitdə bank rəhbəri tərəfindən mənimsənilib. Mən Mehrac Qurbanovdan hədə-qorxu pul almamışam”.
Vüsal Ələkbərov qeyd edib ki, cinayət işində adı keçən digər zərərçəkmişlər - Bahəddin Sultanov, Müsənnif Salahov və Akof Qurbanovdan hədə-qorxu yolu ilə pul tələb etməyib. Onun sözlərinə görə, zərərçəkmişlər ona böhtan atırlar.
Daha sonra hakimlər hökm qəbul etmək üçün müşavirə otağına yollanıblar. Hökm iyulun 10-da elan ediləcək.
Qeyd edək ki, prokuror Vüsal Ələkbərovun 15 il müddətinə azadlıqdan məhrum edilməsini istəyib. Prokuror həmçinin onun rütbəsinin əlindən alınmasını, üzərində həbs olan əmlaklarının müsadirə edilməsini istəyib.
İstintaq sənədlərinə görə, Vüsal Ələkbərova məxsus olan və həyat yoldaşı Şəhla Ələkbərovanın adına rəsmiləşdirilmiş Səbail rayonu, Badamdar qəsəbəsindəki 0,18 hektar torpaq sahəsi və üzərində yerləşən fərdi yaşayış evi, Yasamal rayonu, Şərifzadə küçəsindəki mənzili üzərinə həbs qoyulub.
Üzərinə həbs qoyulan əmlakların ümumi dəyəri 1.277.000 manat dəyərində hesablanıb.
Vüsal Ələkbərov Cinayət Məcəlləsinin 182.3.1, 182.3.2-ci (mütəşəkkil dəstə tərəfindən, külli miqdarda əmlak əldə etmək məqsədi ilə hədə-qorxu gəlmə), 294.3-cü (sübutları saxtalaşdırma, ağır və ya xüsusilə ağır cinayətlər haqqında cinayət işi üzrə sübutları saxtalaşdırma, habelə digər işlər üzrə sübutların saxtalaşdırılması ağır nəticələrə səbəb olma), 311.3.1, 311.3.2, 311.3.3, 311.3.4-cü (qabaqcadan əlbir olan bir qrup şəxs və ya mütəşəkkil dəstə tərəfindən, təkrar, külli miqdarda, hədə-qorxu tətbiq olunmaqla rüşvət alma), 341.2.1 və 341.2.3-cü (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə) maddələri ilə ittiham edilib.
İttihama görə, təqsirləndirilən şəxs iş adamlarını MTN-ə gətirib, hədə-qorxu yolu ilə onların külli miqdarda pulunu ələ keçirib.

Aslan
gundemxeber.az