Yaxud Biləsuvar sakinləri niyə susuz qalıb?

Biləsuvar rayonu, Xirmandali kənd sakini Əlizadə Nəhmədağaoğlu (Məmiyev) “Azərsu” Açıq Cəhmdar Cəmiyyətini dövlət vəsaitlərini təyinatı üzrə xərcləməməkdə, mənimsəmədə və korrupsiyada ittiham edir. Şikayətçi "Gündəm Xəbər"ə ünvanladığı məktubda yaşadığı ərazidəki problemlərdən bəhs edir və bildirir ki, "Azərsu" ASC Prezidentin sərəncamını yerinə yetirmir: "Son zamanlar ölkəmizdə baş verən iqtisadi cinayətlər daha da artıb. Cəmiyyətdə qanunlarımızın aliliyi tam təmin olunmadığından dələduzluq və vəzifə səlahiyyətlərindən sui-istifadə halları daha da çoxalıb. Obyektiv reallığın əsas səbəbinin gizlədilməsi, real secimlərdə qeyri-müəyyənlik yaratmaq, şübhəli işi etibarlı iş kimi qələmə vermək və satmaq, vergilərdən yayınmaq üçün gəlirlərin həcmini süni şəkildə azaltmaq və s. kimi çoxlu neqativ hallar baş verir. Son zamanlar bu anormallıq cəmiyyətdə adi hala cevrilib. Cəzasızlıq mühiti hökm sürür.
Ancaq hər kəsin qorxduğu, çox az adamın özünün və yaxınlarının həyati ilə risk etdiyi bir məqamda sərgilənən cəsarət daim öz əzəməti, gözlənilməzliyi və təkrarolmazlığı ilə diqqət cəkib. Bunu nəzərə alıb, Azərbaycan reallığında fırıldaq və dələduzluqla bağlı çoxlu misallardan bir neçəsi haqqında danışmaq yerinə düşər".

Əlizadə Nəhmədağaoğlu yazır ki, bir necə il bundan əvvəl “Azərsu” Acıq Səhmdar Cəmiyyətinin başbilənləri Biləsuvar rayonunda kanalizasiya xətlərinin inşasına başlayıblar: " Rayonun kücələrində dərin cəngərlər qazıldı, borular basdırıldı. İş sona catanda məlum oldu ki, quraşdırma işləri düzgün aparılmayıb və beləcə kanalizasiya işləri yarımcılıq qaldı. Artıq beş ildən cox vaxt keçsə də, bu məsələ hec kimin yadına düşmür. Görünür, dövlətin Biləsuvar rayonuna kanalizasiya xəttinin cəklişi ücün ayırdığı milyonlarla vəsait beləcə həzm olundu. "Əhalinin içməli su ilə təminatının yaxşılaşdılılmasına dair əlavə tədbirlər haqqında" Prezident İlham Əliyevin 17 mart 2017-ci il tarixli sərəncamı ilə 22 rayonun bəzi kənd və qəsəbələrinə içməli su təminatının yaxşılaşdırılması üçün “Azərsu”Acıq Səhmdar Cəmiyyətinə 14 (on dörd) milyon manat vəsait ayırıb. Sərəncamda Biləsuvar rayonun Xırmandalı kəndinin də adı var. Rayonun ən böyük kəndlərdən biri olan Xırmandalı kəndinin on mindən cox əhalisi, 7500 nəfərdən cox seçisi olmasına baxmayaraq, bu kənd sovet dönəmindən sonra atılmış, baxımsız bir kəndə cevrilib".

Şikayətçi yazır ki, kəndin kücələrində yayda toz-torpaq, qışda isə palçıq ucbatından hərəkət etmək olmur: "Sovet dönəmindən qalan tikintilər, yay mədəniyyət evi dağılıb gedir, örüş yerləri qanunsuz yollarla balıqçılıq göllərinə çevrilib. Dərəbəylik o həddə çatıb ki, kəndin kücələrində basdırlmış borular çıxarılıb, möhtəkirlərin alver predmətinə cevrilib. Bu konteksdə Xırmandalı kəndınə iki dəfə içməli su xətti cəkilib, borular basdırılıb, lakin borulardan su gəlməyib! Xırmandalılar içməli su kəmərinin çəklişini eşidəndə cox sevindilər. Amma mütəxəssislərin dediyinə gorə, nəzərdə tutulan polietilen borularla kəndə çəkilən ana xəttinin diametri 60-70 mm, küçələrə ayrılan boru xətləri isə 25-30 mmdir ki, bu da təminatı ödəyə bilməz. Eləcə də kənd kücələri 1000 (min)metirdən də uzaq məsafədə olduğu halda küçənin yarsından da az məsafəyə boru xətti çəkilir. Xətt boyu 150-200 metrdən bir su kranları qoyulur, onlar da küçələrdə ümumi istifadə üçün nəzərdə tutulub .Kəndin mərkəzi kücələrinin əsas hissəsinə içməli su xətti heç çəkilməyib. Kəndin xəstəxanası, uşaq bağçası, iki orta məktəbi, mədəniyyət evi və digər mədəni-məişət obyektlərinə içməli su xəttinin çəkilməsi isə ümumiyyətlə, nəzərdə tutulmayıb. Deməli, Xırmandalı kəndinin içməli su təminatı indiki vəzyiyyətdə qalsa, kənd sakinlərinin ancaq 25-30 faizi içməli sudan istifadə imkanına sahib ola bilər!"

Əlizadə Nəhmədağaoğlu yazır ki, sözügedən boru kəmərinin işləyib-işləməyəcəyi də sual doğurur: "Ümumı istifadə üçün küçədə qoyulan su kranlarından istifadə edən vətəndaşlar arasında da mənzilin məsafəsi nəzərə almaqla, su pulunun ödənişi ilə bağlı ciddi problemlər yaranacaq. Görünür, “Azərsu” Açıq Səhmdar Cəmiyyatı, podratcı “Arko” şirkəti ilə baş-başa verərək xoş məqsədlər üçün ayrılan dövlət vəsaitini, həmişə olduğu kimi mənimsəmək yolunu tutublar. Bu günlərdə Xırmandalı kənd sakinlərinin bir qurupu adı çəkilən təşklatların aşağı ranqlı mütəxəssislərinə ciddi irad tutsalar da, onlar “bizə belə tapşırıq veriblər” deyib, əllərini yellədilər. Ona gorə də sadaladığım bu ciddi nöqsanların həlli üçün aidiyyatı qurumlar əməli işlər görməli, ciddi tədbirlər həyata keçirməli, işə məsuliyyətli münasibətin yüksəldilməsi üçün təsirli tədbirlər görməlidir. Bu da heç şübhəsiz ki, ali dövlət orqanlarının bilavasitə borcudur. Biz də bir vətəndaş olaraq, öz borcumuzu yerinə yetirdik və bu nöqsanları diqqətinizə çatdırdıq. Son söz sizindir, cənablar!"

Zöhrab Təmrazov
gundemxeber.az