“Həmin vaxt adı çəkilən redaksiyada problemlərimlə bağlı canlı çəkiliş həyata keçirildi və bir müddətdən sonra da, xəbər portalında ictimailəşdirildi”

“Gündəm Xəbər” qəzetinin ötən saylarında Bakı şəhəri, Nərimanov rayonu Koroğlu Rəhimov 2A ev-72 ünvanda yaşayan Musayeva Tamella Gümüş qızının redaksiyamıza ünvanladığı müraciətlər əsasında, onun ailə üzvlərinin üz-üzə qaldıqları problemlərdən, ələllxüsus adı çəkilən xanımın iki doğma qardaşının eyni gündə müəmmalı şəkildə dünyalarını dəyişmələrindən və s. bəhs etmişdik. Hətta, o, ünvanladığı müraciətlərində onu da qeyd etmişdi ki, “baş verənlərlə bağlı hüquq-mühafizə orqanı əməkdaşlarına ünvanladığım müraciətlər bu günə kimi ətraflı araşdırılmadığından, problemlərim elə problem olaraq qalmaqdadır”.Tamella Gümüşqızı özünün və övladı Türanənin müəyyən olaylarla üz-üzə qalmasında, əslən Cəbrayıl rayonunun Mahmudlu kəndindən olan və qonşuluğunda yaşayan Musayeva Nəzakət Qulu qızını və onun həyat yoldaşı Musayev Əlövsət İsrafil oğlunu da ittiham edir. Adı çəkilən xanım bir neçə aylıq çəkçevirdən sonra, problemlərinin həlli məqsədilə məhkəməyə müraciət etdiyini vurğulayır və onu da bildirir ki, “mən məhkəməyə müraciət edərkən Nəzakət Musayeva özünə ruhi-əsəb xəstəsi olması haqda, Bakı şəhərinin Maştağa qəsəbəsində yerləşən 1 saylı Ruhi-Əsəb xəstəxanasından saxta sənəd düzəltdi. Həmin sənədin hazırlanmasında onun nümayəndəsi Abbasav Etiqad İsaq oğlu yaxından iştirak edir. Belə bir sənədin əldə olması isə, məhz mənim bütün məhkəmə proseslərində uduzmağıma səbəb oldu. Çünki, proseslər zamanı Nəzakət Quluqızı müəyyən rolllara girdi və hakimin göstərdiyi 50 manata 1 manat , 100 manata 1 şirvan dedi və digər oxşar addımlarını atdı.
Belə olan halda Səadət adlı xanım, məni əslən Xocalı rayon sakini olan və hal-hazırda Sabirabad rayonunda qeydiyatda olan Əzizova Ceyran Əkbər qızı ilə tanış etdi və onu da bildirdi ki, “bu xanım problemlərinin həllində sənə nümayəndə ola bilər”. Ümumi tanışlıqdan sonra o, sənədlərlə yaxından tanış olacağını və Nəzakət Musayevanın saxta yollarla əldə etdiyi xəstəlik sənədlərini araşdırtdıracağını, hətta həmin sənədləri TSEK-nın qərarı ilə də ləğv etdirəyini də vurğuladı. Ceyran xanım verdiyi vədləri yerinə yetirmək üçün bir neçə aylıq möhlət vaxtı istəsə də, təəssüflər olsun ki, o, məni getgələ salmaqdan başqa bir iş görmədi.

2016-cı ilin 03 oktyabrında iki doğma qardaşım müəammalı şəkildə dünyalarını dəyişmişdi. Həmin vaxt ağır günüm olduğundan və çarəsiz qaldığımdan, qardaşlarımın ölümü ilə bağlı Ceyran Əzizova müraciət etməli oldum. O, belə bir problemin araşdırılması üçün, məndən hissə-hissə 700 manat “haqq-hesab” aldı. Hətta, yaşanan problemlərlə bağlı müəyyən çəkilişi həyata keçirmək üçün, bizə Vüsalə adlı xanımı da göndərdi. Ölüm faktının baş verdiyi gündən xeyli vaxt keçsə də, Ceyran Əzizova heç bir iş görmədi. Belə olan halda ondan imtina etməyə məcbur oldum və hissə-hissə verdiyim 700 manat pulumu geri tələb etdim.

Xoşagəlməz hal o oldu ki, xanım Əzizova hər dəfə minbir bəhanə danışmaqla verdiyim pulları geri qaytarmadı. Belə olan halda onun bu cür hərəkətləri ilə bağlı Prezident Administrasiyasına, Baş Prokurorluğa, Baş Prokurorluq Yanında Korrupsiyaya Qarşı Mübarizə Baş İdarəsinə, Nərimanov RPİ-nin 18-ci polis bölməsinə yazılı şikayətlərimi ünvanladım. Təəssüf hissi ilə qeyd edim ki, bir kimsə etdiyim şikayətlərlə bağlı maraqlanmadı, hər hansı araşdırmalar aparılmadı.

Yəni, mənim Konstitusion hüquqlarım tapdalandı, bir müddət getgələ salındım, bir sözlə problemim həll olunmadı. Son anda məcbur oldum ki, üz-üzə qaldığım problemimin ictimailəşdirilməsinə qərar verim. Bu məqsədlə ilk əvvəl Bakı şəhəri, Mətbuat prospekti 529-cu məhəllə “Azərbaycan” nəşriyyatında fəaliyyət göstərən MEDİA İNFORM-TV xəbər portalının redaksiyasına üz tutdum. Həmin vaxt adı çəkilən redaksiyada problemlərimlə bağlı canlı çəkiliş həyata keçirildi və bir müddətdən sonra da xəbər portalında ictimailəşdirildi. İndi mən o hala da acıyıram ki, barəsində ayrı-ayrı qurumlara şikayətlər ünvanladığım, problemlərimin həlli məqsədilə məndən aldığı 700 manat pulumu geri qaytarmayan və məcbur olduğumdan qol qoyduğu əməllərini ictimailəşdirdiyim Ceyran Əzizova, bu gün də pulumu qaytarmaq üçün özündə “təpər” tapmır. Bu gün onu da ehtimal edirəm ki, adı çəkilən xanım pulumu kimlərləsə mənimsədiyindən, belə bir duruma düşüb”.
P.S. Dərc olunan bu açıqlamada əsas ittiham olunan Ceyran Əzizova ilə bağlı müraciət, hələ bir müddət bundan əvvəl Musayeva Tamella Gümüş qızı tərəfindən redaksiyamıza təqdim olunmuşdu. Ona görə də redaksiya olaraq bir neçə dəfə Ceyran xanımla əlaqə saxladıq və yaşananlarla bağlı münasibət bildirməsini də xahiş etdik. Düzdür, o, hər dəfə etdiyimiz telefon zənglərimizə normal yanaşdı və redaksiyamıza təşrif buyurub yaşananlarla bağlı münasibətini bildirəcəyini bir neçə dəfə vəd versə də, təəssüflər olsun ki, xanım Əzizova verdiyi vədlərə əməl etmədi. Odur ki, açıqlamanı bitərfli qaydada dərc etməyə məcbur olduq. Problemin varlığını diqqətdə saxlayacağıq. Qarşı tərəfin də mövqeyini dinləyə bilərik.

Mirzə
gundemxeber.az