Bu günlərdə “Qaya Mətbuat Yayımı” MMC-nin direktoru Xanhüseyn Əliyev üz-üzə qaldıqları problemlər səbəbindən, Dövlət Gömrük Komitəsinin qarşısında 15 mart 2018-ci il tarixdə Azərbaycan Respublikası Konstitusiyasının 49-cu maddəsini əsas tutaraq, saat 11:00-dan 11:30-a kimi 30 nəfərin iştirakı ilə piket keçirməkdə israrlı olmaları barədə “Gündəm Xəbər”ə müəyyən açıqlamalar verib. Xanhüseyn Əliyev bildirir ki, “Vergi Məcəlləsinin 164.1, 164.1.7-ci maddələri qüvvədə ola-ola, Dövlət Gömrük Komitəsi idxal olunan Kütləvi İnformasiya Vasitərəri məhsullarına qeyri-qanuni olaraq Əlavə Dəyər Vergisi tələb edir. Piketdə səslənəcək şüarlar aşağıdakılar olacaq.

1.Vergi Məcəlləsinin 164.1 və 164.1.7-ci maddələrini icra edilsin.
2. Qanun olan yerdə qərar heç nə həll etmir.
3. İdxal olunan KİV məhsullarına ƏDV-nin tətbiqi dərhal dayandırılsın.
4. Mirqasım Vahabovun özbaşnalığına son qoyulsun.

Adı çəkilən şəxs onu da qeyd edir ki, Dövlət Gömrük Komitəsi ƏDV ilə bağlı yenə cəmiyyətə yanlış məlumatlar verir, vətəndaşlarda çaşqınlıq yaradır və bununla da qeyri-qanuni əməllərini ört-basdır edir. Gömrük Komitəsindən alınan cavablarda qeyd olunur ki,
Ali Məhkəmə orqanlarına tabe olmaq hər bir şəxsin borcudur. Bəli, biz razıyıq. Ancaq o qərarlara necə nail oldunuz, Siz də gözəl bilirsiniz biz də. Büdcəyə görə qanunlara hörmətsizlik heç kimə başucalığı gətirmir.
Gömrük Komitəsinin 02.02.2018-ci il 10014/14-24/001535 cavabında qeyd edilir ki, Vergi Məcəlləsinin 164.1.7-ci maddəsinin KİV məhsullarının SATIŞI üzrə dövriyyələr ƏDV-dən azad olunur. Bu cavab olduqca yalnış cavabdır. Vergi Məcəlləsinin 164.1.7-ci maddəsində konkret göstərilir ki, ALQI-SATQININ bütün növləri üzrə dövriyyələr ƏDV-dən azaddır.
Mətbuata açıqlamada qeyd edirlər ki, KİV məhsullarının idxalı ƏDV-yə cəlb edilməlidir. Belə çıxır ki, 164.1.7-ci maddə 164.1-ci maddənin alt maddəsi deyil, ayrıca bir maddədir. Axı, Vergi Məcəlləsinə baxmaq heç də çətin deyil. 164.1-ci maddə konkret göstərir ki, “idxalın aşağıdakı növlərindən ƏDV tutulmur”. Sonra alt maddə olan 164.1.7 gəlir və orada qeyd olunur ki, KİV məhsullarının ALQI-SATQISININ bütün növləri üzrə dövriyyələr ƏDV-dən azaddır.
Sonra Vergi Məcəlləsinin 3.9-cu maddəsi istinad edilir. Məlumat üçün bildirirəm ki, həmin maddədə qeyd edilir ki, “Vergilər haqqında qanunvericilik elə tərzdə formalaşdırılmalıdır ki, hər kəs hansı vergiləri, nə vaxt və hansı məbləğdə ödəməli olduğunu dəqiq bilsin”.
Bu maddənin 164.1 və 164.1.7-ci maddələrinə nə aidiyyatı var?
Bu maddəni 2005-ci ildə səhvən 11 saylı qərarı qəbul edəndə nəzərə almalı idiniz.
Cənablar, biz piket tərəfdarı deyilik. Azərbaycan Respublikasının Prezidenti cənab İlham Əliyev dəfələrlə çıxışlarında qeyd edib ki, “o dövlət güclü olur ki, məmurlar tərəfindən qanunlar pozulanda vətəndaş bununla barışmır”. Bizim də baş maliyyə idarəsinin rəisi Mirqasım Vahabovun tərsliyi ilə heç də barışmaq fikrimiz yoxdur.

Akif