''Dəyərli dostlar, bildiyniz kimi Klassik Xalq Cəbhəsi Partiyası (KXCP) 2018-ci ildə özünün növbəti qurultayını keçirmək barədə qərar verib. Bildiyiniz kimi KXCP Əbülfəz Elçibəy prinsiplərinə bağlı olan bir təşkilat olubdur. Br zamanlar seçkili orqanlarda təmsil olunmaq üçün KXCP daxilində baş verən ciddi rəqabətlər, açıq mübarizələr bu təşkilatın demokratik dəyərlərə sadiqliyinin göstəricisi olub...

Dostlar, son zamanlar KXCP-nin ölkədə baş verən ictimai-siyasi proseslərdə öndə olmaması bu təşkilatın üzvü olaraq məni də çox üzür və düşündürür. Mən hesab edirəm ki, özəyi Milli Azadlıq Hərəkatından formalaşan KXCP yenə də hərəkatın önündə olmalı, demokratik cəmiyyət uğurunda gedən mübarizənin nüvəsini təşkil etməlidir. Bu, KXCP-nin tam olaraq haqqı və vəzifəsidir. Uzun zamanlar rejimin təzyiqləri nəticəsində işsiz qalan, təqiblərlə üzləşən, bütün bunlara rəğmən dəhşətli sınaqlardan üzü ağ çıxan mübariz KXCP üzvləri Azərbaycan davasında izləyici mövqedə yox, davanın önündə olmalı, müqəddəs Azərbaycan davasına sahib çıxmalıdırlar. KXCP-nin sahibləndiyi dava mənim düşüncəmə görə daha etibarlı və daha inamlı ola bilər. Mən inanıram ki, mayası mübarizə ilə yoğrulan KXCP-çilər yenə də əvvəlki güclərini qaytaracaq , meydanlara sahib duracaq. O gün uzaqda deyil!

Dostlar, KXCP üzvü, tanınmış hüquq müdafiəçisi Oktay bəy Gülalıyev KXCP nin qarşıdan gələn qurultayında təşkilatın sədrliyinə nammizəd olacağını açıqlayıbdır. Mən bilən hələki sədrliyə namizədliyini açıqlayan ilk şəxs Oktay Gülalıyevdir. Ola bilsin başqa dəyərli KXCP üzvlərinin də KXCP sədrliyinə iddia qoyacaqlar. Mən namizəd olacaq KXCP üzvlərinin hər birinə uğurlar arzu edir, onların məqsədlərinin təşkilatın gücləndirilməsinə və Azərbaycanın xilasına vəsilə olmaq olduğuna inanıram.

Mən ona da inanıram ki, Oktay Gülalıyev KXCP -sədri seçiləcəksə, təşkilat qısa bir zamanda Azərbaycanın ən aparıcı təşkilatına çevrilib, siyasi arenada söz sahibi olacaq. Oktay Gülalıyevin siyasi məhbusların hüquqları uğrunda apardığı cəsarətli mübarizə, Azərbaycanın haqq səsinin dünyaya çatdırılması üçün çəkdiyi zəhmət, proseslərə anında münasibəti və verdiyi dəqiq qərarlar məni Oktay bəylə qazanacağımız uğurlara inandırır.

Oktay Gülalıyev sıradan bir siyasətçi və ya meydana atılan təsadüf bir şəxs deyil. Oktay Bəy Əbülfəz Elçibəyin görəv verdiyi şəxslərdən biri və deyərəm ki, birincilərindəndir. Oktay bəy liderimiz Əbülfəz Elçibəyin yaratdığı AXCP Gənclər Komitəsinin və Bütöv Azərbaycan Birliyi (BAB) Gənclər Təşkilatının sədri olub. Əbülfəz Elçibəyin vəfatından sonra Oktay Gülalıyev yenə də mübarizənin önündə olaraq AXCP (k) və KXCP -də yüksək vəzifələr tutaraq rejimlə ön cərgədə savaşan dava adamıdır. Çox sevinirəm ki, bu gözəl sözləri KXCP də təmsil olunan çox insanlar haqqında demək olar. Mən hesab edirəm ki, KXCP-nin çox zəngin bazası var, Sadəcə olaraq həmin bazanı hərəkətə gətirmək lazımdır.

KXCP daha bir demokratik sınaqla üz-üzədir. İnanmaq istəyirəm ki, 18 ildir ömrümün ən gözəl çağlarını təşkilatlanmasına həsr etdiyim KXCP bu sınaqdan üzü ağ çıxacaq. Mən inanıram ki, KXCP sədri Mirmahmud Mirəlioğlu təşkilatda demokratik rəqabət üçün normal şərait yaradacaq.

Təşkilat gəncləşməlidir. Təşkilatın ciddi Gənclər Komitəsi, Qadınlar təşkilatı, siyasi analiz mərkəzləri və işlək təşkilat komitəsi olmalıdır. Hər bir təşkilatın görünən üzü onun mətbuat xidmətidir. Təşkilatın ən vacib orqanı onu Ali Məclisidir. Təşkilatın beyin mərkəzi və düşüncə sturukturu bir nəfərin iradəsindən yox, kollektiv müzakirələrlə əldə edilmiş qərarları təqdim etməyi bacaran, cəsarətli şəxslərdən formalaşan İdarə Heyyətidir . Ən əsas isə Təşkilatın ən əsas fiquru sədrdir . Sədr təşkilatın varlığını və yoxluğunu göstərən şəxsdir. Təşkilatın cəmiyyətdə nüfuzu onun sədrinin siyasi proseslərə mövqei və onun fəaliyyəti ilə hesablanır. Oktay Gülalıyevin siyasi fəaliyyəti hər zaman medianın və siyasi arenanın diqqətində olubdur. Oktay Gülalıyev gündəmdə hər zaman qalmağı bacaran siyasətçi olmaqla bərabər, həbsdə olanların, təzyiqlərlə üzləşənlərin, çətinlikdə olanların ümid gözlədiyi ən mübariz hüquq müdafiəçilərindən biridir.

OKTAY BƏYƏ UĞURLAR ARZULAYIR, ONUNLA MİLLİ DAVADA UĞURLAR QAZANACAĞIMIZA İNANIRAM!

UĞURLAR OLSUN OKTAY BƏY!''

Mənbə Elşən Əlisoy