Bərdəlilərin gözündə “sudan duru” görünən Sərdar Əhmədovun, belə bir strateji “post”a sahib olacağı yöndə söz-söhbətlər yayılıb

Uzun illərdir ki, adı çəkilən bu rayonda baş verən çoxsaylı qanunsuzluqlar, məmur özbaşınalığı və s.ilə bağlı ölkə mediasında silsilə məqalələr dərc olunur. Yəni, elə gün olmur ki, bir çox qəzetlərdə və internet resurslarında icra başçısı Vidadi İsayevin müəllifliyi ilə reallaşan hansısa maliyyə maxinasiyası faş olunmasın. Bu günə qədər ölkə mediasında işıqlandırılan faktlarla bağlı, Bərdə RİH nə tutarlı təkzib verib, nə də yazılanların həqiqəti əks etdirmədiyini sübuta yetirə bilib. Bütün bunlar isə Bərdədə sözün həqiqi mənasında qanunsuzluğun tüğyan etdiyini düşünmək üçün əsaslar yaradır.
Vidadi İsayev azsaylı icra başçılarındandır ki, adı ən müxtəlif maliyyə maxinasiyalarından tutmuş, iri korrupsiya əməllərinə qədər çeşidli iddialarda hallanıb. Eyni zamanda Bərdə rayonu yuxarı instansiyalara edilən şikayətlərə görə də, bu günə kimi “öncül” cərgələrdə qərarlaşıb. Ohalı da unutmaq olmaz ki, ünvanlanan şikayət və müraciətlərin böyük əksəriyyətinin qarşısı rayon rəhbərliyinin adminstrativ üsullarıyla alınıb. Bütün bunlar isə Vidadi İsayevin ölkə prezidentinin yüksək etimadına layiq olmayan kadr olduğunu bir daha təsdiqləyir. Gundemxeber.az-a daxil olan məlumatlara görə, çox yaxın vaxtlarda Vidadi İsayevin vəzifədən alınacağı deyilir. Bu nə mübahisə doğurur, nə də ki, bir kimsə də şübhənin baş qaldırmasına şübhələnməyə əsas verir. Başçı bərdələlilərin etimadını tam itirib. Artıq hər kəs o qənaətdədir ki, bu rayona bərdəlilərin etimad göstərəcəyi şəxs rəhbərlik edəcək. Etibarlı mənbələrdən Gundəmxəbər.az-a daxil olan məlumatlara görə, bu gün Bərdədə icra başçısı “post”una ən real və ən şanslı namizəd Bərdə rayon Suvarma Sistemləri İdarəsinin müdiri Sərdar Əhmədovun olduğu söylənilir.
Qeyd edək ki, məhz adı çəkilən bu şəxsin profesionallığı, rəhbərlik etdiyi sahəni mükəmməl dərindən, işgüzarlığa söykənən fəaliyyəti və s. bu gün rayonda kənd təsərrüfatının uğurla inkişaf etməsinə əsas səbəb olub ki, belə bir informasiya da gündəmə daxil olub. Vidadi İsayev haqda ancaq tənqidi məlumatlar getdiyi haqda, mətbuat Sərdar Əhmədov haqda ancaq yüksək fikirlər yazıb. Bu kimi səbəblər üzündən də, Sərdar Əhmədovun Bərdəyə yeni icra başçısı təyin olunacağı bir kimsə də şübhə doğurmur və real görünür. Odur ki, həmin günün reallaşacağını və belə bir şad xəbərin tam əksəriyyəti sevindirəcəyi günü gözləyək.

Cəfər
GundemXeber.Az