62 saylı Saatlı Seçki Dairəsindən deputatlığa keçmiş namizəd, Azərbaycan Respublikası Prezidenti yanında Dövlət İdarəçilik Akademiyasının müəllimi, siyasi elmlər üzrə fəlsəfə doktoru, Azərbaycan Azad Respublikaçılar Partiyasının sədri Kamil Seyidova qarşı uzun müddətdən bəri davam edən ədalətsizliklərin kökündə nə dayanır?!

Azərbaycan Azad Respublikaçılar Partiyası 2013-cü il Prezident seçkiləri dövründə hörmətli birinci vitse-prezident Mehriban Əliyevanın Prezidentliyə namizədliyini irəli sürən ilk siyasi partiya olmuşdur. Məhz həmin dövrdən başlayaraq bu günə kimi bu siyasi partiyanın rəhbəri Kamil Seyidova qarşı ardıcıl formada təzyiqlər davam etməkdədir. Belə ki, iqtidaryönümlü bir siyasi partiyanın sədri olmasına baxmayaraq, Kamil Seyidovun bütün dövlət tədirlərində iştirak etməsinə qadağa qoyulub. Dövlət televizioyalarından tutmuş, dövlət qəzetlərinə kimi heç yerdə onun çıxışlarına yer verilmir. Hətta 2015-ci il Parlament seçkiləri dövründə Kamil Seyidovun doğulduğu Saatlı rayonuna Ramiz Mehdiyev qruplaşmasına daxil olan Mətbuat Şurasının sədri Əflatun Amaşovun milli Məclisə namizədliyi irəli sürülməsi də K.Seyidova qarşı düşmən münasibətin bir nümunəsi sayılmalıdır. Həmin qruplaşma tərəfdən K.Seyidova qabaqcadan tapşırıldı ki, bu dairədən namizədliyini irəli sürməsi mənsızdır.
O zaman partiya sədri Kamil Seyidov vəziyyəti qiymətləndirərək valideynlərinin doğulduğu İmişli rayonuna gedib parlamentdə iştirak etmək üçün 79 saylı dairədən namizədliyini irəli südü. Lakin həmin qruplaşma Əli Həsənovun rəhbərliyi altında hətta K,Seyidovun namizədliyinin qeydə alınmasına da imkan vermədi. Xatırladım ki, həmin dairədən Ramiz Mehdiyevin yeznəsinin biznes şəriki Əsabil Qasımov deputat seçildi. Lakin həmin ərəfədə Kamil Seyidov 79 saylı DSK-nın çıxardığı əsassız və saxta qərara etiraz edərək əvvəlcə MSK-ya, nəticəsi olmadığı halda Respublika Apelyasiya Məhkəməsinə, yekunda isə Ali Məhkəməyə müraciət etməsinə baxmayaraq, həmin qruplaşmanın təzyiqi ilə yenə də seçkidə iştirak etməkdən kənarda qaldı.
9 fevral 2020-ci il növbədənkənar parlament seçkilərində Kamil Seyidov Milli Məclisə namizədliyini doğulub boya başa çatdığı Saatlı rayonundakı 62 saylı seçki dairəsindən irəli sürdü. Bu dəfə də onun namizədliyinin qeydə alınmasına hakimiyyətdə təmsil olunan, Ramiz Mehdiyev klanına daxil olan, 3 rayonda icra başçısı işləmiş Nazim İsmayılov tərəfindən böyük maneələr törədilməsinə baxmayaraq, nəhayət ki qeydə alındı. Lakin Ramiz Mehdiyev klanının köməkliyi ilə 62 saylı dairədən Əli Həsənovun trolu sayılan Əflatun Amaşovun yaxın dostu Əziz Ələkbərli qeydə alındı və böyük saxtakarlıqla təyin olundu. Seçki ərəfəsində icra başçısı Nazim İsmayılov özünü demokrat kimi qələmə verərək seçkilərə qarışmayacağını bəyan etdi. Lakin rayon icra başçısının birinci müavini İlham Quliyevin və rayon YAP təşkilatının sədri Lütvəli Şixəliyevin iştirakı ilə Saatlıda böyük seçki saxtakarlığının həyata keçirilməsinə nail oldular. Belə ki, Nazim İsmayılov dövlət büdcəsindən müaliyyələşən təhsil, səhiyyə işçilərini, icra nümayəndələriniı, bələdiyyə sədrlərini, hətta sosial müdafiə fondunun rəhbərlərini seçki ərəfəsində “Onbaşı”,”Yüzbaşı”lara cəlb etməklə bir çox məntəqələrdə saxta bülletenlərin atılması prosesini çox peşəkarcasına həyata keçirdi və Əli Həsənov klanına daxil olan Əziz Ələkbərlini seçməyə nail oldu. Saxtakarlığın ən bariz formasını Qaranuru kəndində həyata keçirdilər. Belə ki həmin kəndin çox hörmətli bir nümayəndəsi, güclü namizəd Mehdiyev Oqtay Hüseyn oğlunun seçkidən kənarlaşdırılması da Əziz Ələkbərli üçün münbit şərait yaranmasına gətirib çıxardı. Həmin kənd Əziz Ələkbərliyə qarşı çox aqressiv idi. Oradan bir nəfər də Əziz Ələkbərliyə səs vermədi (Ərazi və bələdiyyə sədri olan bir neçə nəfəri çıxmaq şərti ilə). İcra başçısının saxtakarlığını sübut etmək üçün həmin ərazinin Əziz Ələkbərliyə verdiyi səsi yoxlamaq kifayət edər. Saatlıda keçirilən seçki bir daha sübut etdi ki Saatlı rayon YAP-ın sədri və rayon icra başçısı Nazim İsmayılov cənab Prezidentin demokratik seçki prinsiplərinin tam əleyhinə olaraq seçki prosesinə böyük əngəl törətmişlər.
Yəqin ki Saatlı əhalisi cənab prezident İlham Əliyevin çox qısa bir zamanda YAP rayon təşkilatının özündə də islahatlara önəm verərək Saatlı rayon YAP təşkilatının sədri Lütvəli Şixəliyev kimi saxtakarın partiyadan uzaqlaşdırılmasının şahidi olacaq. Bundan əlavə, rayon İcra Hakimiyyəti başçısı köhnə təfəkkürlü, həm də təqaüd vaxtı keçmiş Nazim İsmayılov kimilərin də haqqında tədbir görüləcək. Partiya sədri Kamil Seyidov isə ona qarşı yönəlmiş bütün təzyiqlərə baxmayaraq öz siyasi mövqeyindən heç də çəkilmək fikrində deyil və cənab Prezidentin islahatlarının həyata keçirilməsində sonadək ona dəstəkçi olacaqdır.

Gundemxeber.Az